Continue reading »]]>

اب میرے دوسرے بازو پہ وہ شمشیر ہے جو !
اس سے پہلے بھی میرا نصف بدن کاٹ چکی ہے
اسی بندوق کی نالی ہے میری سمت کہ جو !
اس سے پہلے بھی میری شہہ رگ کا لہو چاٹ چکی ہے

پھر وہی آگ در آئی ہے میری گلیوں میں !
پھر میرے شہر میں بارود کی بو پھیلی ہے
پھر سے تو کون ، میں کون ہوں ؟ آپس میں سوال
پھر وہی سوچ میان و من تو پھیلی ہے

میرے بستی سے پرے بھی میرے دشمن ہوں گے
پر یہاں کب کسی اغیار کا لشکر اترا
آشنا ہاتھ ہی اکثر میری جانب لپکے !
میرے سینے میں صدا اپنا ہی خنجر اترا

پھر وہی خوف کی دیوار، تذبذب کی فضاء
پھر ہوئیں عام وہی اہل ریا کی باتیں
نعرہ حب وطن مال تجارت کی طرح
جنسِ ارزاں کی طرح خدا کی باتیں

اس سے پہلے بھی تو ایسی ہی گھڑی آئی تھی
صبح وحژت کی طرح ، شامِ غریباں کی طرح
اس سے پہلے بھی تو پیمان وفا ٹوٹے تھے
شیشہء دل کی طرح ، آئینہ جاں کی طرح

پھر کہاں احمریں ہونٹوں پہ دعاؤں کے دئیے
پھر کہاں شبنمی چہروں پہ رفاقت کی روا !
صندلیں پیروں سے مستانہ روی روٹھ گئی
مرمریں ہاتھوں پہ جل بجھ گیا انگارِ حنا

دل نشین آنکھوں میں فرقت زدہ کاجل رویا
شاخِ بازو کے لیے زلف کا بادل رویا
مثلِ پیراہن گل ، پھر سے بدن چاک ہوئے
جیسے اپنوں کی کمانوں میں ہوں اغیار کے تیر

اس سے پہلے بھی ہوا چاند محبت کا دو نیم
نوک دشنہ سے کھنچی تھی میری دھرتی پہ لکیر
ایسا نہیں ، ایسا نہیں ہونے دینا !
میرے سوختہ جانو ، میرے پیارے لوگو !۔

---

Similar Articles at PakFellows Blog:

• Allama Iqbal The Interpreter of Truth
• ہر پَل دھیان میں بسنے والے لوگ
• چکنی مٹی کا پتلا
• ماں کی یاد میں
• Bus Ik Daagh-e-Nadaamat by Umera Ahmed

Continue reading »]]> یہ کتاب احمد فراز کی غزلوں کا خوبصورت مجموعہ ہے۔ احمد فراز کو ٹين ايجرز کا شاعر کہہ کر پرے رکھ ديا جاتا رہا، ليکن فراز اس تمام منفي پروپيگنڈہ سے بے نياز ہو کر ايسي خوبصورت شاعري تخليق کرتے رہے کہ اردو شاعري کے کسي تذکرے ميں اسے نظر انداز کرنا ممکن نہيں، فراز کي شاعري ميں فارسي اور اردو کلاسيکي شاعري کي تمام تر لطيف روايات کا تسلسل ملتا ہے، جس ميں غم جاناں کي رومان انگيزي بھي ہے اور غم دوراں کا کرب بھي۔

Continue reading »]]>
میں تو ہر طرح کے اسباب ِہلاکت دیکھوں
اے وطن کاش تجھے اب کے سلامت دیکھوں

وہ جو قاتل تھے، وہ عیسا نفسی بیچتے ہیں
وہ جو مجرم ہیں ،انہیں اہل ِعدالت دیکھوں

وہ جو بے ظرف تھے اب صاحب ِمیخانہ ہوئے
اب بمشکل کوئی دستار سلامت دیکھوں

گردنیں ٹوٹی ہوئی، سر ہیں خمیدہ جن کے
ان کو سرگشتہء پندار ِامامت دیکھوں

قیمت ِبے ہنراں ، نیلم و مرجاں ٹھہری
قسمت ِدیدہ وراں ، سنگ ِملامت دیکھوں

Ahmed Faraz