PakFellows Blog » Pakistan

بانو قدسیہ کے قلم سے

Faiza — Sat, 30 Jul 2011 10:32:51 +0000

سوچ دو طرح کی ہوتی ہے۔ایک سوچ علم سے نکلتی ہے اور ریگستان میں جا کر سوکھتی ہے۔دوسری سوچ وجدان سے جنم لیتی ہے اور باغ کے دہانے پر لے جاتی ہے۔ان ہی دو قسم کے خیالات سے دو طرح کا رہنا سہنا جنم لیتا ہے۔ایک رہنا سہنا علم اور تجویز سے جنم لیتا ہے،اس میں چاقو،چھری،مقدمہ،بحث، مباحثے،کس بل،حق حقوق،چھینا جھپٹی،کرودھ کام ہنکار سب ہوتا ہے
دوسرا رہنا سہنا اہک اور قسم کی سوچ سے نکلتا ہے۔اس میں وجدان ،شانتی،امن،پرائسچت،پریم کی وجہ سے ہجرت کا سماں رہتا ہے۔اسی وجدان کی وجہ سےایسی سوچ والے لوگ غریبی میں امیر اور امیری میں غریب دکھائی دیتے ہیں،تم چاہو تو علم کا ڈنڈا پکڑ لو پھر وکیل ضروری ہو گا۔میرے وجدان پر اعتبار کرو تو جنگل چھوڑ دو۔آگے ہر پڑاؤ پر تمہیں امن ہی امن لہراتا ملے گا۔

راجہ گدھ

تعلق بھی حسیات سے تعلق رکھنے والی غیر مرئی خوبیوں میں سے ایک کیفیت ہے، جسے محسوس تو کیا جا سکتا ہے لیکن سمجھنے پر آئیں تو سمجھ نہیں سکتے۔ ماں کی محبت کے تعلق کو مامتا کہہ کر واضع نہیں کر سکتے۔ ڈکشنری میں یا لٹریچر سے اس کی وضاحتیں ملتی ہیں، مامتا نہیں ملتی۔ جہاد پر جان سے گزر جانے والے بہادر کے جذبے کو اس وقت تک سمجھا نہیں جا سکتا، جب تک آپ خود ایسی بہادری کا حصہ نہ بن جائیں۔ تعلق، زندگی سے نبرد آزما ہونے کے لیے صبر کی مانند ایک ڈھال ہے۔ جب کبھی جہاں بھی سچا تعلق پیدا ہو جاتا ہے، وہاں قناعت، راحت اور وسعت خود بخود پیدا ہوجاتی ہے۔

حاصل گھاٹ

میں نے انسان کو شہر بساتے اور حق مانگتے دیکھا ہے۔۔۔ جان لو صاحبو! جب کبھی سڑک بنتی ہے اس کے دائیں بائیں کا حق ہوتا ہے، جو مکان شہروں میں بنتے ہیں باپ کے مرتے ہی وارثوں کا حق بن جاتے ہیں۔ میرے ساتھ چلو اور چل کر دیکھو جب سے انسان نے جنگل چھوڑا ہے اس نے کتنے حق ایجاد کر لیے ہیں۔ رعایا اپنا حق مانگتی ہے، حکومت کو اپنے حقوق پیارے ہیں، شوہر بیوی سے اور بیوی شوہر سے حق مانگتی ہے، استاد شاگرد سے اور شاگرد استاد اپنا حق مانگتا ہے۔
اصلی حق کا تصور اب انسان کے پاس نہیں رہا، کچھ مانگنا ہے تو اصلی حق مانگو۔۔۔ جب محبت ملے گی تو پھر سب حق خوشی سے ادا ہونگے، محبت کے بغیر ہر حق ایسے ملے گا جیسے مرنے کے بعد کفن ملتا ہے۔

راجہ گدھ

اللہ تعالیٰ شاکی ہے کہ اتنی نعمتوں کے باوجود آدم کی اولاد ناشکری ہے اور انسان ازل اور ابد تک پھیلے ہوئے خدا کے سامنے خوفزدہ کھڑا بلبلا کر کہتا ہے ۔
یا باری تعالیٰ ! تیرے جہاں میں آرزوئیں اتنی دیر سے کیوں پوری ہوتی ہیں ؟
زندگی کے بازار میں ہر خوشی اسمگل ہو کر کیوں آتی ہے ؟
اس کا بھاؤ اس قدر تیز کیوں ہوتا ہے کہ ہر خریدار اسے خریدنے سے قاصر نظر آتا ہے ۔
ہر خوشی کی قیمت اتنے ڈھیر سارے آنسوؤں سے کیوں ادا کرنا پڑتی ہے ۔آقائے دوجہاں ایسے کیوں ہوتا ہے کہ جب بالاآخر خوشی کا بنڈل ہاتھ میں آتا بھی ہے تو اس بنڈل کو دیکھ کر انسان محسوس کرتا ہے کہ دکاندار نے اُسے ٹھگ لیا ہے۔
جو التجا کی عرضی تجھ تک جاتی ہے اُس پر ارجنٹ لکھا ہوتا ہے اور جو مُہر تیرے فرشتے لگاتے ہیں اُس کے چاروں طرف صبر کا دائرہ نظر آتا ہے۔
ایسا کیوں ہے باری تعالیٰ ؟؟
جس مال گاڑی میں تو انسانی خوشی کے بنڈل روانہ کرتا ہے وہ صدیوں پہلے چلتی ہے اور قرن بعد پہنچتی ہے لوگ اپنے اپنے نام کی بُلٹی نہیں چھڑاتے بلکہ صدیوں پہلے مر کھپ گئی ہوئی کسی قوم کی خوشی کی کھیپ یوں آپس میں بانٹ لیتے ہیں جیسے سیلاب زدگان امدادی فنڈ کے سامنے معذور کھڑے ہوں ۔
خوشی کو قناعت میں بدلنے والے رب سے کوئی کیا کہے،جب کہ آج تک اُس نے کبھی انسان کی ایجاد کردہ گھڑی اپنی کلائی پر باندھ کر دیکھی ہی نہیں
امر بیل

پاکستان لوٹ جانے میں جو بھی وجوہات مانع تھیں، اپنی جگہ…. لیکن امریکہ میں بھی میرا دم گھٹنے لگا۔ وہاں میری اندر کی زندگی ایسی تھی جیسے مکڑی کا جالا ہوا میں تیرتا ہو…. کشتی کی ٹوٹی پتوار بے کراں سمندر پر بے مقصد پھرتی ہو…. میں لمحے سے لمحے تک…. دن کو دن سے، سالوں کو نئے سال سے جوڑتا رہا۔ امریکہ صرف ضروریات زندگی کو پورا کرنے کا سفر تھا۔ ضروریات بڑھ رہی تھیں، ان کے لئے جدوجہد اور بھی روز افزوں تھی۔دن، ہفتے، مہینے، سال معیار زندگی کو بہتر بنانے کی نذر ہوتے رہے۔

پاکستان میں میرا جسم ناآسودہ تھا، امریکہ میں روح تشنہ رہنے لگی۔ ہولے ہولے اس تشنہ روح نے سوال پوچھنا شروع کر دیئے…. کیا میں دنیا میں صرف زیادہ کمفرٹس فراہم کرنے کے لئے لایاگیا ہوں؟ مجھے کیا کرنا ہے؟ کس کے لئے کرنا ہے اور پھر کیوں کرنا ہے؟

کعبہ میرے پیچھے

آزادی اکیلے آدمی کا سفر ہے، رسی تڑوا کر سرپٹ بھاگنے کا عمل ہے۔ محبت اپنی مرضی سے کھلے پنجرے میں طوطے کی طرح بیٹھے رہنے کی صلاحیت ہے۔ محبت اس غلامی کا طوق ہے جو انسان خود اپنے اختیار سے گلے میں ڈالتا ہے۔ یہ عہد پیری مریدی کا نہیں کہ مرشد منوائے اور سالک ماننے کے مقام پر ہو۔ یہ زمانہ شادی کا بھی نہیں کہ شادی میں بھی قدم قدم پر اپنی مرضی کو قربان کرنا پڑتا ہے۔ حضرت ابراھیم جس طرح اپنے بیٹے کو قربان کرنے پر راضی بر رضا رہے، یہ محبت کی عظیم مثال ہے۔
محبت میں ذاتی آزادی کو طلب کرنا “شرک” ہے، کیوں کہ بیک وقت دو افراد سے محبت نہیں کی جا سکتی، محبوب سے بھی اور اپنے آپ سے بھی۔ محبت غلامی کا عمل ہے اور آزاد لوگ غلام نہیں رہ سکتے۔
حاصل گھاٹ

کچھ لمحے بڑے فیصلہ کن ہوتے ہیں۔ اس وقت یہ طے ہوتا ہے کہ کون کس شخص کا سیارہ بنایا جائے گا۔ جس طرح کسی خاص درجہ حرارت پر پہنچ کر ٹھوس مائع اور مائع گیس میں بدل جاتا ہے‘ اسی طرح کوئی خاص گھڑی بڑی نتیجہ خیز ثابت ہوتی ہے، اس وقت ایک قلب کی سوئیاں کسی دوسرے قلب کے تابع کر دی جاتی ہیں۔ پھر جو وقت پہلے قلب میں رہتا ہے وہی وقت دوسرے قلب کی گھڑی بتاتی ہے‘ جو موسم‘ جو رُت‘ جو پہلے دن میں طلوع ہوتا ہے وہی دوسرے آئینے منعکس ہو جاتا ہے۔ دوسرے قلب کی اپنی زندگی ساکت ہو جاتی ہے۔ اس کے بعد اس میں صرف بازگشت کی آواز آتی ہے۔

راجہ گدھ

شہر سائیباں

Faiza — Mon, 06 Jun 2011 08:34:46 +0000

حاجی اورنگ زیب خان ٹمبر مرچنٹ ڈوبی ہوئی رقموں کی ادائیگی اور وصولی کی سلسلے میں اکثر پشاور سے کراچی آتے رہتے تھے۔وہ کہتے تھے کہ میں جب کراچی آتا ہوں حیران و پریشان رہتا ہوں، میرا دل بہت اداس ہوتا ہے۔ جس سے ملوں جس سے بولوں کراچی سے کچھ نہ کچھ گلہ ضرور رکھتا ہے۔ ایک شخص بھی ایسا نہیں ملا جو اپنے شہر پر فخر کرتا ہو۔

خان صاحب کہتے ہیں کہ اس کے دو سبب ہیں۔ پہلا تو یہ کہ یہاں فخر کے لائق کوئی چیز ہے ہی نہیں۔ دوسرا سبب بتانے کیلے انہوں اپنی انگشت شہادت ابھی سوئے پلک بلند کی ہی تھی کہ مرزا عبدالودود بیگ بیچ میں کود پڑے اور کہنے لگے صاحب، دوسرا سبب یہ کہ مہاجر،پنجابی، سندھی، بلوچ، پٹھان، سب اپنے رب کا فضل تلاش کرنے کیلے یہاں آ آکر آباد ہوئے ، کڑی دھوپ پڑ رہی تھی ، سب کے سروں پر کراچی نے مادر مہرابان کی طرح اپنی پھٹی پرانی چادر کا سائبان تھام لیا۔

ان پر بھی جو بسر کرنے کیلےفقط ٹھکانہ مانگتے تھےمگر پھر پھسرتے چلے گئے۔لیکن سب شاکی، سب آزردہ خاطر، سب برہم۔ مہاجر ہی کو لیجئے؛ دلی، لکھنو، بمبئی ، بارہ منکی،جونا گڑھ، حد یہ کہ اجاڑ جنجنوں ( میرا پرانا وطن ) کو یاد کر کے آہیں بھرتے ہیں۔ اسے یہ احساس نہیں کہ جنہیں یاد کر کے وہ خود پر دائمی رقت طاری رکھتا ہے، وہ چھوڑا ہوا شہر نہیں بلکہ اسکی روٹھی جوانی جو لوٹ کر نہیں آسکتی، کسی بھی شہر میں۔۔
پنجابی جنہیں سب سے پہلے سرسید احمد خان نے زندہ دلان پنجاب لا لقب دیا تھا جنت میں پہنچ کر بھی لاہور لاہوراے ہی پکارے گا۔ انہیں کراچی ذرا نہیں بھاتا۔ وہ سندھ کے چتی دار کیلے، چیکو ، اور پپیتے میں ملتان کے انور رٹول اور منٹ گمری کے مالٹے کا مزہ نہ پا کر سچ مچ اداس ہو جاتے ہیں۔

فرنٹیئرکا گل زمان خان چوکیدار ، شیر شاہ کالونی کے جونگھڑہ ( جھونپڑی) میں اپنے وطن کے کوہ و دشت اور دریا مانگتا ہے۔ کوئی نہیں جو اٹھا لائے گھر میں صحرا کو۔۔وہ صبح دلی کی نہاری کھاتا ہے، سہ پہر کو سیٹھ کی کوٹھی کے ایک اوجھل کونے میں اپنی مکئی کے بے موسم پودے کو بڑے لاڈ سے پانی ڈالتا ہے۔ اور یہ ٹپہ گاتا ہے۔

پہ پردی وطن ہر یو غمگین ئی
ما پہ پردی وطن کرلی دی گلونہ

ترجمہ ( یوں تو پردیس میں ہر شخص غمگین رہتا ہیں،مگر مجھے دیکھو میں نے پرائی زمین میں اپنے وطن کے پھول کھلا دئے ہیں)

وہ دن بھرپشتو لہجے میں بمبئی اردو بولنے کے بعد شام کو ریڈیو پر پشتو گانوں سے دل پشوری کر لیتا ہے۔اور رات کو پشاور ریلوے سٹیشن کو آنکھوں میں بھر کے سڑک کے کنارے جھگی میں سو جاتا ہے۔ سڑک پر رات بھر پٹاخے چھوڑتی موٹر سائیکل، رکشے اور دھاڑتے ٹرک گزرتے رہتے ہیں، پر اسے خواب میں ڈھول سر، رباب ، اور گھڑے پر ٹپے سنائی دیتے ہیں۔

ادھر کوئٹہ اور زیارت سے آیا ہوا بلوچ کراچی کا نیلا سمندر دیکھتا ہے اور بلوچستان کے سنگلاخ پہاڑوں اور ان پر چرتے دنبوں کو یاد کر کر کے آبدیدہ ہو جاتا ہے۔ جنکے وہ بڑے خستہ سجی کباب بنا سکتا تھا۔
اب رہا پرانا سندھی تو وہ غریب اس زمانے کو یاد کر کے آہیں بھرتا ہے جب یہ چاروں حضرات کراچی تشریف نہیں لائے تھے۔

مصنف: مشتاق احمد یوسفی

بِل سے بِلبلانے تک

Faiza — Sun, 01 May 2011 13:48:29 +0000

بجلی آنی جانی شے ہے – بجلی موجود ہو تو خوامخواہ ٹی وی دیکھنے کو دل کرتا ہے ، ٹی وی کھولتے ہی اطلاع ملتی ہے کے ککھ نہی ریا – کہیں سے کوئی اناؤنسر چّلا رہا ہے کے چینی غائب ہو گیی، گھی مہنگا ہوگیا ، انڈیا نے پانی بند کر دیا ، اگلے ہی چینل پر کوئی مولانا صاحب قرب قیامت کی نشانیاں موجودہ نظام میں تلاش کر کے اپنی فصاحت و بلاغت کے موتی لٹا رہے ہیں – ایک جگہ سلوسٹر اسٹالون مشین گن لئے روسیوں کا خاتمہ کر رہا ہے اور دوسری جگہ عامر خان دلدلی زمین پر تارے ڈھونڈ رہا ہے – ایک ٹی وی اور سو سو چنیل ، دماغ کے کینوس پر عجیب سا گڈ مڈ نقشہ بن جاتا ہے جیسے کسی نے دھلے ہوے صحن میں کیچڑ بھرے ٹائروں والی سائکل چلا دی ہو – ریمورٹ ہاتھ میں پکڑ کر اگلا چنیل دیکھنے کی کوشش ہی کرتے ہیں کہ بجلی چلی جاتی ہے اور کائنات وہیں دم سادھے کھڑی کی کھڑی رہ جاتی ہے

بجلی نہ ہونے کے کیی فائدے ہیں سب سے بڑا فایدہ تو یہ ہے کے بجلی نہیں ہوتی تو اس لئے کرنٹ لگنے کہ اندیشہ بلکل نہیں ہوتا لہٰذا آپ بلا خوف و خطر کسی بھی ساکٹ میں انگلی گھسا کر بیوی کو خود کشی کی دھمکی دے سکتے ہیں – مگر یاد رہے کہ محکمہ بجلی شیڈول سے پیشتر بھی بجلی آپکی طرف روانہ کر سکتا ہے، مکمّل احتیاط ضروری ہے ورنہ کوئی دھمکی آخری بھی ثابت ہو سکتی ہے – آپ واشنگ مشین چلائے بغیر کپڑے دھو سکتے ہیں ، پنکھے میں ہاتھ دے سکتے ہیں ، تالیوں سے مچھر پیٹ سکتے ہیں ، حکومت کو کوس سکتے ہیں اور پچھلی حکومتوں کو یاد کر کے رو سکتے ہیں

ہم کبھی یہ بات نہیں سمجھ پائے کہ عوام ہر وقت بجلی بجلی کی رٹ کیوں لگاے رکھتے ہیں ، جب تان سین نے نئے نئے راگ ایجاد کیے تھے، شاہ جہاں نے تاج محل بنوایا تھا ، اراستو نے نادر نظریات تخلیق کیے تھے ، غالب نے شہرہ آفاق غزلیں لکھی تھیں یا گلیلیو نے دور بین ایجاد کی تھی ، تب تو بجلی نے آنکھ بھی نہ کھولی تھی – ویسے بھی بجلی یورپ کی ایجاد ہے اور ہمیں انکی ایجاد کردہ چیزوں سے پرہیز ہی کرنا چاہیے کے یہ ہمارے اخلاق و ایمان کے لئے مضر ثابت ہو سکتی ہے

تحریر – ذاہد شجاع بٹ

Download Shabnam Ka Akela Moti by Parveen Shakir

Samah — Sat, 19 Mar 2011 18:03:12 +0000

کتاب: شبنم کا اکیلا موتی
شاعرہ: پروین شاکر

پروين شاکر کا نام کون نہيں جانتا؟ شاعري اورمحبت کا تھوڑا بہت ذوق رکھنے والے کو پروين شاکر کے اشعار ازبر ہوں گے۔ صرف خواتين شاعرات ميں ہي نہيں بلکہ اردو شاعری کی تاريخ ميں اپنے موضوع کے حوالے سے پروين شاکر کا نام ايک روشن ستارے کي طرح چمکتا دمکتا رہے گا۔

Download Lafz Lafz by Faiz Ahmed Faiz

Samah — Mon, 07 Mar 2011 15:41:51 +0000

اردو ادب کے بہت سے ناقدین کے نزدیک فیض احمد فیض (1911 تا 1984) غالب اور اقبال کے بعد اردو کے سب سے عظیم شاعر ہیں۔ آپ تقسیم ہند سے پہلے 1911 میں سیالکوٹ میں پیدا ہوئے۔ انجمن ترقی پسند تحریک کے فعال رکن اور ایک ممتاز کمیونسٹ تھے۔ فیض احمدفیض بیسویں صدی کے اُن خوش قسمت شعرا ءمیں سے ہیں جنہیں زندگی ہی میں بے پنا ہ شہرت و مقبولیت اور عظمت و محبت ملی۔ فیض نے کمیونزم کے راستے انقلاب کا خواب دیکھا۔ اس کتاب میں دستِ صبا، نقشِ فريادی، اور زنداں نامہ کا کلام موجود ہے۔

موٹر سائیکل گردی

Faiza — Sun, 06 Mar 2011 15:29:42 +0000

سائیکل گردی کے بعد موٹر سائیکل ایک فیشن ایبل سواری سمجھی جاتی تھی، جبکہ آج کل اسے “آنجیکشن ایبل سوار“ سمجھا جاتا ہے۔ موٹر سائیکل پر سوار دہشت گردوں نے ہمارے ملک میں پے در پے دہشت گردی کی وارداتیں کر کے عوام کو اتنا دہشت زدہ کر ڈالا ہے کہ اب اگر کسی بازار میں کسی موٹر سائیکل کی آواز سنائی دے تو راہگیر آواز سنتے ہی زمین پر لیٹ جاتے ہیں اور دل ہی دل میں جاپان کو بددعائیں ‌دیتے ہیں کہ جس نے موٹر سائیکل ہمارے ملک میں ‌بھجوائی۔
موٹر سائیکل پر دہشت گردی کو دیکھتے ہوئے جاپان کو بھی موٹر سائیکل کو خطرناک اور جان لیوا خودکار ہتھیاروں کی لسٹ میں شامل کرنے کے بارے میں سوچنا شروع کر دینا چاہیئے۔
ہمارے ہاں موٹر سائیکل کو دہشت کی علامت سمجھے جانے کی ایک حالیہ مثال ہمارے بٹ صاحب کے موٹر سائیکل کی دی جا سکتی ہے۔ بٹ صاحب ہر صبح دفتر جانے کے لئے جونہی موٹر سائیکل سٹارٹ کرتے ہیں، موٹر سائیکل کی آواز سُن کر محلے والے اس وقت تک اپنے اپنے گھروں میں دبکے رہتے ہیں، جب تک بٹ صاحب کی موٹر سائیکل محلے سے گزر نہیں جاتی۔
بقول سرگم، کچھ عرصہ پہلے جب حکومت نے گھروں میں اسلحہ رکھنے پر پابندی لگائی تو اس وقت لوگوں نے محلے میں رعب و دہشت ڈالنے کے لئے پستول بندوق رکھنے کے بجائے موٹر سائیکل رکھنا شروع کر دی۔
انہی دنوں محلے کا ایک بچہ دوسرے بچے کو یہ بتا کر مرعوب کر رہا تھا کہ اس کے ابا کے پاس بندوق ہے، جس پر دوسرے بچے نے اس کا تمسخرا اڑاتے ہوئے کہا۔
“بندوق سے اب کون ڈرتا ہے؟ میرے ابا کے پاس تو موٹر سائیکل ہے“۔

فاروق قیصر

Download Mausam Acha hai by Amjad Islam Amjad

Samah — Sat, 05 Mar 2011 07:36:15 +0000

کتاب، موسم اچھا ہے
شاعر، امجد اسلام امجد

امجد اسلام امجد نے آبائي شہر سيالکوٹ لاہور ميں تعليم حاصل کي اور ايم اے او کالج لاہور سے ايک ليکچرار کي حيثيت سے عملي زندگي کا آغاز کيا، 1975 سے 1979 تک پاکستان ٹيلي ويثرن پر ڈائريکٹر کي حيثيت سے کام کرتے رہے، اس کے بعد دوبارہ اسي کالج ميں آگئے۔ 1997 ميں ڈائريکڑ جنرل اردو سائنس بورڈ مقرر ہوئے، چلڈرن لائبريري کمپليکس کے پروجيکٹ ڈائريکٹر رہے، چاليس کتابوں کے مصنف ہيں۔ بيشمار سفرنامہ، تنقيد، تراجم اور مضامين لکھے، نيشنيل ايوارڈ يافتہ ہيں، گو ان کي شہرت انکے ڈراموں کي بدولت ہے، ليکن ان کي حقيقي پہچان انکي وہ نظميں ہيں جن ميں زندگي کے تمام تر پہلو اپني تمام تر دلکشي اور مٹھاس لئے ہوئے ہيں۔

Shahid Afridi – One of best All-Rounders in ODI Cricket!

Faiza — Thu, 03 Mar 2011 20:23:43 +0000

Who would have though that 5-6 years ago lebelled as an average player with both bat and bowl will be known as one of the best Allrounders to have played the game. It looks like a optimistic or overboard statement but the facts and stats will describe the scenario where we can see and judge his records as the one of the best Limited over cricket player and what is to be noted we all know he could have and should have done better in his career. But taking into his current career record we can see he is one of the best out there.

Full Name: Shahid Khan Afridi

Born: March 1, 1980, Khyber Agency

Age: Almost 31

Plays as an Allrounder

Right-Hand Batsman

Bowls Legbreak googlies

Shahid Afridi in a League of his own
6000 runs and 300 wickets: Afridi is the second player only after the Sanath Jaysuriya to have gone past 300 ODI Wickets + 6000 Runs in ODI Cricket and with only 31 years of age and physicaly very fit I ca see him getting to 8000 Runs + 400 Wickets if he can play around 4 more years.
3rd leading wicket-taker from Pakistan
Shahid Afridi (301 wickets): Afridi is 3rd only to the greats of Pakistan Wasim and Waqar to have gone past 300 Wickets and if he can play the way he is currently playing he might get closer to Waqar.
4th leading Spinner with Most wickets to his Name
Only Muralitharan(522), Anil Kumble(337) and Sanath Jayasuria(322) are the bowlers who have more wickets in ODI cricket than Shahid Afridi.
3rd in the List of Most man of the match awards for Pakistan

He has more Man of the match awards than Wasim & Waqar, and with 23 to his name only Inzamam and Saeed Anwar have more man of the match awards than Shahid Afridi.
Most Sixes in Limited over Cricket
Well this is the record whcih had to go to Shahid Afridi as he is known for his massive shots and sixes and he has more sixes to his name than any other cricketer ever, with 366 over all in all formates of the game while 288 in ODI cricket, 26 in T20’s which makes him the King of Sixes.
Fastest Centuries and Fifties
Afridi’s name comes up three times in the top 6 fastest Centuries, while he also hit fifties on 18 balls twice while his strike rate in ODI cricket is more than anyone else with 113.
Best Bowling Figures by a Captain in World Cups
Afridi’s 5/16 against Kenya: Afridi started out his 2011 World Cup 2011 campaign in a great fashion and tore Kenya batting lineup apart with 5/16 which happens to be the best bowling figures by a Captain in World Cups he replaced kapil Dev as the Top dog.

Now the the top Leading bowlers of the World cup 2011 are Shahid Khan Afridi and Mitchell Johnson from Australia.

Shahid Afridi – 3 Matches/14 Wickets

Mitchell Johnson – 2 Matches/8 Wickets

Source

Download Humsafar – Farhat Ishtiyaq

Samah — Thu, 03 Mar 2011 11:05:34 +0000

فرحت اشتیاق ایک بہترین لکھاری ہیں. انکی تحریریں محبّت، قدروں، روایات اور رشتوں کے گرد گھومتی ہیں. فرحت اپنے بارے میں کہتی ہیں کہ لکھنے کا شوق مجھے بچپن سے تھا لیکن میں نے کبھی اسے اس انداز سے اہمیت دے کر نہیں سوچا تھا کہ مجھے باقاعدگی سے لکھنا اور اپنی تحریروں کو چھپوانا چاہیے۔ شعاع میں افسانہ نگاری کے مقابلے کے بارے میں پڑھ کر میرا دل چاہنے لگا کہ مجھے بھی اس مقابلے میں شرکت کرنی چاہیے اپنا پہلا نوولٹ خوشبو، بدل، چاند، ہوا، شعاع میں پوسٹ کیا اور میرا بچپن کا بچھڑا اور بھولا ہوا شوق ایک دم ہی بیدار ہو گیا۔

ابتدا میں جب میں نے لکھنا اور اپنی تحریریں شائع کروانا شروع کیا تو میرا خیال تھا کہ یہ کچھ دنوں کا شوق ہے تھوڑے ہی دِن میں ، میں اس کام سے بور ہو کر اسے چھوڑ دونگی مگر اب تک تو ایسا نہیں ہوا ہے اور میں بڑی مستقل مزاجی سے لکھتی چلی جا رہی ہوں ان دنوں زندگی کا بچھونا لکھنا اور پڑھنا ہی بنا ہوا ہے۔

Momin Ki Farasat Ho Tou Kaafi Hai Ishara

Faiza — Wed, 02 Mar 2011 12:56:06 +0000

www.youtube.com/watch?v=aEnFvnFf4MM

ہو تیرے بیاباں کی ہوا تجھکو گوارا
اس دشت سے بہتر ہے نہ دِلّی، نہ بخارا

جس سمت میں چاہے صفت سیلِ رواں چل
وادی یہ ھماری ہے، وہ صحرا بھی ہمارا

غیرت ہے بڑی چیز جہانِ تگ و دَو میں
پہناتی ہے درویش کو تاجِ سرِدارا

حاصل کسی کامل سے یہ پوشیدہ ہنر کر
کہتے ہیں کہ شیشہ کو بناسکتے ہیں خارا

افراد کے ہاتھوں میں ہے اقوام کی تقدیر
ہر فرد ہے ملّت کے مقدر کا ستارہ

محروم رہا دولتِ دریا سے وہ غواّص
کرتا نہیں جو صحبتِ ساحل سے کنارا

دیں ہاتھ سے دے کر اگر آزاد ہو ملّت
ہے ایسی تجارت میں مسلماں کا خسارا

دنیا کو ہے پھر معرکۂ روح و بدن پیش
تہذیب نے پھر اپنے درندوں کو ابھارا

اللہ کو پامردیٔ مومن پہ بھروسا
ابلیس کو یورپ کی مشینوں کا سہارا

تقدیر اِمم کیا ہے؟ کوئی کہہ نہیں سکتا
مومن کی فراست ہو تو کافی ہے اشارہ

اخلاصِ عمل مانگ نیاگانِ کہن سے
شاہاں چہ عجب گر بنوازند گدا را

PakFellows Blog » Pakistan

بانو قدسیہ کے قلم سے

Similar Articles at PakFellows Blog:

شہر سائیباں

Similar Articles at PakFellows Blog:

بِل سے بِلبلانے تک

Similar Articles at PakFellows Blog:

Download Shabnam Ka Akela Moti by Parveen Shakir

Similar Articles at PakFellows Blog:

Download Lafz Lafz by Faiz Ahmed Faiz

Similar Articles at PakFellows Blog:

موٹر سائیکل گردی

Similar Articles at PakFellows Blog:

Download Mausam Acha hai by Amjad Islam Amjad

Similar Articles at PakFellows Blog:

Shahid Afridi – One of best All-Rounders in ODI Cricket!

Similar Articles at PakFellows Blog:

Download Humsafar – Farhat Ishtiyaq

Similar Articles at PakFellows Blog:

Momin Ki Farasat Ho Tou Kaafi Hai Ishara

Similar Articles at PakFellows Blog: