PakFellows Blog » Humour

بِل سے بِلبلانے تک

Faiza — Sun, 01 May 2011 13:48:29 +0000

بجلی آنی جانی شے ہے – بجلی موجود ہو تو خوامخواہ ٹی وی دیکھنے کو دل کرتا ہے ، ٹی وی کھولتے ہی اطلاع ملتی ہے کے ککھ نہی ریا – کہیں سے کوئی اناؤنسر چّلا رہا ہے کے چینی غائب ہو گیی، گھی مہنگا ہوگیا ، انڈیا نے پانی بند کر دیا ، اگلے ہی چینل پر کوئی مولانا صاحب قرب قیامت کی نشانیاں موجودہ نظام میں تلاش کر کے اپنی فصاحت و بلاغت کے موتی لٹا رہے ہیں – ایک جگہ سلوسٹر اسٹالون مشین گن لئے روسیوں کا خاتمہ کر رہا ہے اور دوسری جگہ عامر خان دلدلی زمین پر تارے ڈھونڈ رہا ہے – ایک ٹی وی اور سو سو چنیل ، دماغ کے کینوس پر عجیب سا گڈ مڈ نقشہ بن جاتا ہے جیسے کسی نے دھلے ہوے صحن میں کیچڑ بھرے ٹائروں والی سائکل چلا دی ہو – ریمورٹ ہاتھ میں پکڑ کر اگلا چنیل دیکھنے کی کوشش ہی کرتے ہیں کہ بجلی چلی جاتی ہے اور کائنات وہیں دم سادھے کھڑی کی کھڑی رہ جاتی ہے

بجلی نہ ہونے کے کیی فائدے ہیں سب سے بڑا فایدہ تو یہ ہے کے بجلی نہیں ہوتی تو اس لئے کرنٹ لگنے کہ اندیشہ بلکل نہیں ہوتا لہٰذا آپ بلا خوف و خطر کسی بھی ساکٹ میں انگلی گھسا کر بیوی کو خود کشی کی دھمکی دے سکتے ہیں – مگر یاد رہے کہ محکمہ بجلی شیڈول سے پیشتر بھی بجلی آپکی طرف روانہ کر سکتا ہے، مکمّل احتیاط ضروری ہے ورنہ کوئی دھمکی آخری بھی ثابت ہو سکتی ہے – آپ واشنگ مشین چلائے بغیر کپڑے دھو سکتے ہیں ، پنکھے میں ہاتھ دے سکتے ہیں ، تالیوں سے مچھر پیٹ سکتے ہیں ، حکومت کو کوس سکتے ہیں اور پچھلی حکومتوں کو یاد کر کے رو سکتے ہیں

ہم کبھی یہ بات نہیں سمجھ پائے کہ عوام ہر وقت بجلی بجلی کی رٹ کیوں لگاے رکھتے ہیں ، جب تان سین نے نئے نئے راگ ایجاد کیے تھے، شاہ جہاں نے تاج محل بنوایا تھا ، اراستو نے نادر نظریات تخلیق کیے تھے ، غالب نے شہرہ آفاق غزلیں لکھی تھیں یا گلیلیو نے دور بین ایجاد کی تھی ، تب تو بجلی نے آنکھ بھی نہ کھولی تھی – ویسے بھی بجلی یورپ کی ایجاد ہے اور ہمیں انکی ایجاد کردہ چیزوں سے پرہیز ہی کرنا چاہیے کے یہ ہمارے اخلاق و ایمان کے لئے مضر ثابت ہو سکتی ہے

تحریر – ذاہد شجاع بٹ

اصلاح مطلوب ہے

Samah — Sun, 10 Apr 2011 11:40:57 +0000

ہر آدمی کا بچہ بڑا ہو کر ایک آدمی بنتا ہے اور پھر فارغ بھی ہوتا ہے تو کچھ نہ کچھ ضرور سوچتا ہے۔ یوں تو مجھے بھی بہت کام کرنے ہوتے ہیں مگر زیادہ کام دیکھ کر کچھ کرنے کو جی نہیں کرتا اور صرف کچھ نہ کچھ سوچتا رہتا ہوں لیکن آج تو کمال ہو گیا کہ جب سوچتے سوچتے اکتا گیا اور قریب تھا کہ سوچنا چھوڑ دوں تو اچانک ایک بالکل نئی انقلابی سوچ دماغ میں پیدا ہوئی کہ کوئی بڑا کام کیا جائے۔ یہ انقلابی سوچیں بھی بیٹھے بٹھائے ہی پیدا ہو جایا کرتی ہیں۔ ۔ ۔ نظر دوڑائی تو نظر دوڑی مگر پیچھا کرنے کی اتنی کوشش نہ کی۔ اندازہ ہوا کہ کہ سب بڑے کام بڑے پہلے ہی کر چکے ہیں۔ ایک نظر ان ڈگریوں پر ڈالی جو نالائقی کے باعث حاصل نہ کر سکا۔ دماغ پر زور ڈالا، وہ بھی اثر انداز نہ ہو سکا۔ آخر سوچ اس نتیجہ پر پہنچی کہ کچھ علمی و اصلاحی کام کیا جائے اور محاوروں کو فقروں میں استعمال کرنے کا گیس پیپر تیار کیاجائے جس سے وہ طالب علم مستفید ہو سکیں جو میری طرح اکثر و بیشتر امتحانات میں بری طرح فیل ہو جاتے ہیں اور اسی باعث ان کی شادی ہونے میں کئی کئی سال کی تاخیر ہو جاتی ہے۔ وہ ہمارا گیس پیپر پڑھ کر پرچے میں کم از کم پہلا صفحہ ہی کالا کر دیں، پہلا صفحہ کالا کرنے کے بھی نمبر ملتے ہیں۔ مجھے ایک دفعہ ایک پرچہ کا منہ کالا کرنے پر سو میں سے سات نمبر ملے تھے۔

خیر یونہی نمبر یاد آ گئے حالانکہ ماضی کا کیا رونا، حال کون سا تابناک ہے کہ مستقبل کی فکر کی جائے؟ ۔ ۔ ۔ علم کا دریا ہے کہ ٹھاٹھیں مارتا ہوا سر کے اوپر سے گزر رہا ہے مگر عقل ہے کہ کام ہی نہیں کر رہی۔ کبھی سوچتا ہوں کہ دو اینٹیں کھڑی رکھ کر ان پر کھڑا ہو جاؤں مگر ڈرتا ہوں کہ پاؤں پھسل گیا تو الٹا خود ہی ڈوب جاؤں گا۔ ۔ ۔ ۔ فقرہ بنانے کا طریقہ و ترکیب سے آپ بخوبی واقف ہونگے ، اس لئے وضاحت کی ضرورت نہیں ہے لیکن اگر آپ واقفیت نہیں رکھتے تو کسی سے پوچھ لیجئے گا اور پتہ نہ چلنے پر بجائے پریشان ہونے کے میری طرح صبر کر لیجئے گا۔ مجھے بھی محاوروں کو فقروں میں استعمال کرنے کا شوق نہیں ہے۔

۔علی راز

موٹر سائیکل گردی

Faiza — Sun, 06 Mar 2011 15:29:42 +0000

سائیکل گردی کے بعد موٹر سائیکل ایک فیشن ایبل سواری سمجھی جاتی تھی، جبکہ آج کل اسے “آنجیکشن ایبل سوار“ سمجھا جاتا ہے۔ موٹر سائیکل پر سوار دہشت گردوں نے ہمارے ملک میں پے در پے دہشت گردی کی وارداتیں کر کے عوام کو اتنا دہشت زدہ کر ڈالا ہے کہ اب اگر کسی بازار میں کسی موٹر سائیکل کی آواز سنائی دے تو راہگیر آواز سنتے ہی زمین پر لیٹ جاتے ہیں اور دل ہی دل میں جاپان کو بددعائیں ‌دیتے ہیں کہ جس نے موٹر سائیکل ہمارے ملک میں ‌بھجوائی۔
موٹر سائیکل پر دہشت گردی کو دیکھتے ہوئے جاپان کو بھی موٹر سائیکل کو خطرناک اور جان لیوا خودکار ہتھیاروں کی لسٹ میں شامل کرنے کے بارے میں سوچنا شروع کر دینا چاہیئے۔
ہمارے ہاں موٹر سائیکل کو دہشت کی علامت سمجھے جانے کی ایک حالیہ مثال ہمارے بٹ صاحب کے موٹر سائیکل کی دی جا سکتی ہے۔ بٹ صاحب ہر صبح دفتر جانے کے لئے جونہی موٹر سائیکل سٹارٹ کرتے ہیں، موٹر سائیکل کی آواز سُن کر محلے والے اس وقت تک اپنے اپنے گھروں میں دبکے رہتے ہیں، جب تک بٹ صاحب کی موٹر سائیکل محلے سے گزر نہیں جاتی۔
بقول سرگم، کچھ عرصہ پہلے جب حکومت نے گھروں میں اسلحہ رکھنے پر پابندی لگائی تو اس وقت لوگوں نے محلے میں رعب و دہشت ڈالنے کے لئے پستول بندوق رکھنے کے بجائے موٹر سائیکل رکھنا شروع کر دی۔
انہی دنوں محلے کا ایک بچہ دوسرے بچے کو یہ بتا کر مرعوب کر رہا تھا کہ اس کے ابا کے پاس بندوق ہے، جس پر دوسرے بچے نے اس کا تمسخرا اڑاتے ہوئے کہا۔
“بندوق سے اب کون ڈرتا ہے؟ میرے ابا کے پاس تو موٹر سائیکل ہے“۔

فاروق قیصر

Hisaar e Muhabbat By Faiza Iftikhar

Faiza — Tue, 01 Mar 2011 08:20:00 +0000

فائزہ افتخار ایک منجھی ہوئی قلمکار کی حیثیت رکھتی ہیں۔ انہوں نے بہت سے ناول اور افسانے قلمبند کئے ہیں۔ ان کے ناول کسی بھی طور پر بین الاقوامی معیار سے کم نہیں ہیں۔

فائزہ افتخار اپنے ناولوں میں قاری کو ہر طرح سے اپنی گرفت میں رکھتی ہیں۔آجکل مزاحیہ سیریلز بھی لکھ رہی ہیں

When you know you’re going to fail an exam anyway!

Faiza — Mon, 21 Feb 2011 20:45:34 +0000

Things to do.. when you know you’re going to fail an exam anyway..

1- Get a copy of the exam, run out screaming “Andre, Andre, I’ve got the secret documents!!”

2- Bring a Game Boy. Play with the volume at max level.

3- On the answer sheet find a new, interesting way to refuse to answer every question. For example: I refuse to answer this question on the grounds that it conflicts with my religious beliefs. Be creative.

4- Run into the exam room looking about frantically. Breathe a sigh of relief. Go to the instructor, say “They’ve found me, I have to leave the country” and run off.

5- 15 min. into the exam, stand up, rip up all the papers into very small pieces, throw them into the air and yell out “Merry Christmas.” If you’re really daring, ask for another copy of the exam. Say you lost the first one. Repeat this process every 15 min.

6- Come into the exam wearing slippers, a bathrobe, and a towel on your head.

7- Bring things to throw at the instructor when s/he’s not looking. Blame it on the person nearest to you.

8- Talk the entire way through the exam. Read questions aloud, debate your answers with yourself out loud. If asked to stop, yell out, “I’m SOOO sure that you can hear me thinking.” Then start talking about what a jerk the instructor is.

9- As soon as the instructor hands you the exam, eat it.

10- Every 5 min. stand up, collect all your things, move to another seat, continue with the exam.

11- Turn in the exam approx. 30 min. into it. As you walk out, start commenting on how easy it was.

12- Come to the exam wearing a black cloak. After about 30 min, put on a white mask and start yelling “I’m here, the phantom of the opera” until they drag you away.

13- Try to get people in the room to do a wave.

14- During the exam, take apart everything around you. Desks, chairs, anything you can reach.

15- Walk in, get the exam, sit down. About 5 min into it, loudly say to the instructor, “I don’t understand ANY of this. I’ve been to every lecture all semester long! What’s the deal? And who the hell are you? Where’s the regular guy?”

16- After you get the exam, call the instructor over, point to any question, ask for the answer. Try to work it out of him/her.

17- Do the entire exam in another language. If you don’t know one, make one up!

Image Source

Naam Ka Masla

Faiza — Sat, 12 Feb 2011 09:28:01 +0000

آج کل ہمارے ہاں بلکہ پوری دنیا میں اسلامی لوگ بچوں کا نام اسامہ رکھ رہے ہیں۔ میرے ایک دوست نے بھی اپنے نومولود کا نام اسامہ رکھا، عقیدت کی انتہا دیکھئے کہ بنا غور کیے ساتھ “بن لادن” بھی لگایا ہوا ہے۔ میں نے کہا۔ جناب آپ کا نام تو سرفراز ہے تو پھر آپ کا بچہ “بن لادن” کیسے ہوگیا۔ انہوں نے خوفزدہ ہوتے ہوئے فوراً بچے کا نام کردیا۔ “اسامہ بن لادن بن سرفراز″۔

مختلف اقوام کے لوگ اپنی اپنی روایت کے مطابق بچوں کے نام رکھتے ہیں۔ چین ہی کو دیکھ لیجئے وہاں غالباً بچے کی پیدائش کے وقت بچے کے سرہانے پڑی ہوئی کوئی چیز نیچے پھینک دی جاتی ہے، اس کے گرنےسے جو آواز پیدا ہوتی ہے وہی بچے کا نام رکھ دیا جاتا ہے۔ مثلاً۔۔۔اگر چمچ گرے تو “چھن چھنگ” اور اگر گلاس گرے تو۔ “پانگ ٹنگ”۔۔۔۔خدانخواستہ اگر یہی طریقہ ہمارے ہاں بھی رائج ہوجائے تو کیا ہوگا۔ ہمارے ہاں تو بچے کے سرہانے چیزیں ہی بڑی عجیب رکھی ہوئی ہوتی ہیں۔ مثلاً لوہے کا ٹکڑا۔۔۔۔کہ بچہ ڈر نہ جائے۔۔۔۔چاولوں کی تھیلی۔۔۔کہ بچے کا سر صحیح بنے۔۔۔خدا گواہ ہے کہ اگر ان چیزوں میں سے کوئی چیز نیچے گرائی جائے تو بچے کا نام رکھنا پڑے گا۔۔۔۔”چوہدری دھم ٹھک۔”

میرا ایک دوست کہتا ہے کہ نام میں کیا رکھا ہے۔ میں نے کہا اگر نام میں کچھ نہیں رکھا تو تم گدھا کہنے پر مائنڈ کیوں کرتے ہو

جناب قارئین جی! شادی کے بعد عورت اپنے نام کے بعد اپنے مرد کا نام لگاتی ہے خود ہی سوچئے کہ اگر عورت کا نام اور مرد کا نام ایک دوسرے کی ضد ہوں تو عورت کا نام کتنا برا لگے گا۔ مثلاً۔۔۔۔مہہ جبین دتہ۔۔۔۔شہلا ڈوایا۔۔۔۔۔فریحہ بوٹا۔۔۔۔۔یا یوں کہہ لیجئے کہ مسز دتہ، مسز ڈوایا، اور مسز بوٹا۔۔۔۔لہذا نام فورآً بدل لیجئے۔ اس سے پہلے کہ دلہن سے پوچھا جائے کہ “مسمات گل بدن، ولد تن بدن، تمہیں حق مہر شرعی بتیس روپے کے عوض موجودگی چار گواہان مسمی بھلا مانس ولد بن مانس قبول ہے۔۔۔!” اور دلہن کی چیخ نکل جائے۔

نام کے حوالے سے مجھے اپنے نام کے بڑے فائدے ہیں، یونیورسٹی میں، میرے داخلہ فارم پر اکثر لڑکیوں والی کھڑکی میں بھی قابلٍ قبول سمجھے جاتے تھے۔

تحریر- گل نوخیز اختر

ٹنڈ کروانا

Faiza — Mon, 24 Jan 2011 06:42:35 +0000

جیسے ہی نائی نے میرے سر پر اُسترا پھیرنا شروع کیا۔۔۔مجھے سکون سا آ گیا۔ ٹنڈ کروانا میرے لیے ہمیشہ باعثِ اطمینان رہا ہے۔۔۔جیسے جیسے استرا میرے سر پر پھرتا جاتا ہے مجھے اپنا آپ ہلکا پھلکا لگنے لگتا ہے، میں ٹنڈ اسلئے نہیں کرواتا کہ اس سے سر کو ہوا لگتی ہے۔۔۔ بلکہ میں نے نوٹ کیا ہے کہ ٹنڈ کروانے سے میرا سر ، منہ سے اچھا نکل آتا ہے۔ ابا کو میری ٹنڈ سے بہت چڑ ہے، اُن کے بس میں ہو تو وہ دنیا بھر کے استروں پر زنگ لگوا دیں، اگرچہ انہیں ٹنڈ کا کوئی شوق نہیں لیکن قدرت نے ان کے سارے بال اُڑا دیے ہیں۔۔۔ ابا کی اتنی گھنی ٹنڈ دیکھ کر میرے منہ سے رال ٹپکنے لگتی ہے اور میں سوچتا ہوں کہ کاش میرا سر بھی ایسا سمُوتھ ہو جائے۔ مجھے یاد ہے جب میں چھوٹا ہوتا تھا تو ابا کے سر پر چپت مارنے کا بڑا مزا آتا تھا، بالکل ایسی آواز آتی تھی جیسے طبلے کی “ترکٹ“ سے آتی ہے، لیکن جوں جوں میں بڑا ہوتا گیا، ابا کا سر مجھ سے دور ہوتا چلا گیا اور پھر ایک وقت ایسا آیا کہ اخلاقی اعتبار سے ابا کے سر پر چپت مارنا میرے لیے جرمِ ضعیفی قرار پایا۔ انہی دنوں میں نے فیصلہ کیا کہ اب میں ابا کے سر پر انحصار کرنے کی بجائے اپنے “سر“ پر خود کھڑا ہونگا۔۔۔ یوں میں نے خود انحصاری کی پالیسی پر عمل کرتے ہوئے پہلی دفعہ ٹنڈ کرائی۔ مجھے یاد ہے جب میں پہلی دفعہ ٹنڈ شدہ ہو کر گھر پہنچا تو ابا نے دروازے سے ہی مجھے چونی دے کر رخصت کرنے کی کوشش کی تھی۔ میں نے کچھ کہنے کے لئے منہ کھولا تو میری بات کاٹ کر بولے۔۔۔ دیکھو بھئی۔۔۔ نہ تو ہمارے گھر کوئی بچہ ہوا ہے اور نہ کوئی شادی۔۔۔۔۔ پھر تمہیں ادھر کا پتا کس نے دیا، یہ لو چونی پکڑو اور معاف کرو!“ وہ دروازہ بند کرنے لگے۔۔۔

گل نوخیز اختر کے مزاحیہ ناول “ٹائیں ٹائیں فِش“ سے اقتباس

Sarrkon Ka Shehnshah

Faiza — Mon, 10 Jan 2011 13:58:50 +0000

جنگل کا بادشاہ شیر ببر ہے تو سڑکوں اور گزرگاہوں کا بلا شرکت غیرے ٹرک، آپ اسے زلزلہ کہیں یا قیامت کبریٰ مگر ہے یہ قدرت کا شاہکار ، انسانی صناعی کی عظیم اور فخریہ پیش کش ، اسکی آمد چنگیز خان کی آمد اور روانگی ہلاکو خان کی روانگی سے کم نہیں – اک بار جن راہوں سے گزر جائے وہ راہیں امر بھر اپنی ہستی کے نشان ڈھونڈتی رہتی ہیں

شاہین صفات ہے کہ اپنی روزی خود کماتا ہے اور اسمیں شک نہیں کہ خوب کماتا ہے ، وقت پرواز نگاہ ہمیشہ آسمانوں پر رہتی ہے اسی لئے زمین پر اکثر حادثات کہ شکار رہتا ہے – مگر موت کی اسے کیا پرواہ ، ٹرک پیدا ہی ٹکرانے کے لئے ہوا ہے – ٹکّر آگے سے ہو یا پیچھے سے ، دائیں سے ہو یا بائیں سے اس سے کوئی فرق نہیں پڑتا، جان نثاری شرط اولین ہے – حوصلہ و ہمّت قابل رشک ، کی گدھوں کہ بوجھ اٹھاتا ہے پر اف نہیں کرتا ، اسکے باوجود رفتار کہ یہ عالم کے جمبو جیٹ بھی شرما جائے

گزر جا بن کے سیل تند خو کوہ بیابان سے

بچہ ہو یا جوان عورت ہو یا مرد ، شیر ہو یا بکری ، کسی وزیر مواصلات کی ائر کنڈیشنڈ کار ہو یا غریب کہ چکھڑا ، جو بھی راہ میں آوے پاش پاش ہو جاوے ، ویسے تو زمانے میں اجل کی کئی بیٹیاں ہیں مگر عزرائیل کہ نمائندہ ٹرک ہے – نازک ترین فرائض کی انجام دہی اسی کے ہاتھوں ہوتی ہے

مزاج میں بےنیازی بدرجہ اتم موجود ہے اور یہ عالم ہے کے بعض اوقات ڈرائیور سے بھی بےنیاز ہوتا ہے ، بریکیں تو صرف چند ایک بد نصیب ٹرکوں کی ہوتی ہیں ، ورنہ بریک اس کی شان کے خلاف ہے – بریک رک جانے کی نشانی ہے اور رکنا ٹرک کے شایان شان نہیں

پولیس سے ٹرک کہ وہی رشتہ ہے جو عاشق اور سنگ کا – ٹریفک پولیس کا خیال ہے کے ٹریفک کہ بڑا مسئلہ ٹرک ہیں – ٹرک والوں کہ کہنا ہے کے ان کے لئے سب سے بڑی رکاوٹ خود پولیس ہے پولیس نہ ہو تو پھر

تجھ کو بھی دکھایں کے مجنوں نے کیا کیا

اس درندہ صفت پری پیکر کے ڈھنگ نرالے ہیں ، آن بان انوکھی، آپ نے اکثر ٹرکوں کو دولہا کی طرح سجا ہوا دیکھا ہوگا – رنگین قمقمے ، موتیا ، گل لالہ کے باسی پھول اور رنگین شیشے

آپ نے آج تک ایک بھی ایسا ٹرک نہیں دیکھا ہوگا جو بے آواز ہو ، اسکا ہر عضو نغمہ سرا رہتا ہے ، نغمہ بھی معمولی نہیں ، پکّا راگ – آخر کار یہ تمام سُر ایک دن مل کر دیپک راگ کو جنم دیتے ہیں اور یہ عظیم موسیقار اپنی ہے آگ میں جل کر بھسّم ہو جاتا ہے

تحریر – مرزا ریاض

Aisa Kabhi Naheen Hota By Umera Ahmed

Faiza — Sat, 01 Jan 2011 07:35:40 +0000

عمیرہ احمد کہتی ہیں کہ میری ذاتی رائے میں فرسٹ پرسن میں لکھنا آپ کو جتنی آزادی دیتا ہے وہ کسی اور طرح سے ممکن نہیں۔

کردار کے ساتھ رہنے کی بجائے اس کے اندر بیٹھ کر لکھنا زیادہ آسان ہوتا ہے۔ بعض لوگوں کا خیال ہے یہ زیادہ مشکل ہوتا ہے۔۔۔۔۔۔۔۔۔ مگر مجھے فرسٹ پرسن میں لکھنے میں جتنا مزہ آتا ہے وہ تھرڈ پرسن کے طور پر نہیں۔

یہ عمیرہ کی ایک مختلف اور سب سے پہلی پرمزاح تحریر ہے۔

چکنی مٹی کا پتلا

Faiza — Thu, 30 Dec 2010 17:02:45 +0000

نوخیز کہتا ہے، بچپن اتنا بھی اچھا نہیں ہوتا جتنا لوگوں نے مشہور کر رکھا ہے کیونکہ بچپن میں ہر بندہ آپ کو اپنا بندہ سمجھ کر حکم دیتا ہے۔ گل نوخیز اختر ایسے بچے تھے، جو اُستاد سے کبھی نہیں بچے تھے، یعنی پڑھائی میں ریکارڈ اتنا خراب تھا، جس دن غلطی سے ہوم وَرک کرکے جاتے استاد پھر بھی یہ کہہ کر ڈنڈے مارتے کہ میں اپنا ریکارڈ خراب نہیں کرسکتا۔ ریکارڈ تو ان کے والد صاحب نے بھی کبھی خراب نہیں ہونے دیا لیکن وہ پرہیزگار اور نیک انسان تھے، جب بھی گل نوخیز کو مارا باوضو ہوکر مارا ۔ گل نوخیز اختر نے کبھی اپنے بچوں کو نہیں مارا ہے۔ کہتا ہے، مارو تو رونے لگتے ہیں۔ ہم نے کہا، بچوں کو سدھارنے کے لیے تھوڑا بہت مارنا چاہئے چاہے وہ رَونے لگیں۔ نوخیز نے کہا، بچے روئیں تو ان کی ماں بھی رونا شروع کردیتی ہے اور پھر دوچار سوٹ اور کہیں پکنک کے وعدے پر ہی جاکر چپ ہوتی ہے۔ گل نوخیز کو بچپن میں گھر والے پپو کہتے تھے ، جب گل نوخیز تھوڑے بڑے ہوئے تو گھر والوں کو سمجھ آگئی کہ غلط کہتے تھے۔

گل نوخیز ایسا نام ہے کہ فوراً الہڑ دوشیزہ اور شرمیلی سمٹی مٹیارن کی طرف ذہن جاتاہے، اگر بندہ جی دار ہو تو خود بھی چلاجاتا ہے۔ اسی طرح کا ایک پینڈو، گل نوخیز کی تحریریں پڑھ پڑھ کر اس کا دیوانہ ہوگیا اور نکل پڑا سر پر سہرا باندھ کے۔ جب ڈھونڈتے ڈھونڈتے گل نوخیز اختر سے سامنا ہوا تو اُس وقت گل کی شیو وقت نہ ملنے کے باعث قدرے بڑھی ہوئی تھی۔ پینڈو نے جب الہڑ مٹیار کی جگہ ایک ہٹا کٹا گھبرو دیکھا تو سر پر بندھا سہرا اُتار کر کفن باندھ لیا اور گل کو للکارتے ہوئے کہا ”تیرا بیڑہ غرق ہو مولوی! میں نے تو اپنی ماں کو بھی راضی کرلیا تھا

گل صاحب اُصولوں کے بڑے پکے ہیں، جو کہا کردکھا یا ہے۔ بچپن میں کہتے تھے بڑا ہوکر دولہا بنوں گا اور اپنی محنت کے بل بوتے پر ایک لڑکی کو شادی کے لیے راضی کرلیا۔ انہوں نے اگر ہونے والی بیوی سے کہا کہ میں تمہارے لیے تارے توڑ کر لاسکتا ہوں تو یہ بھی کر دکھایا۔ سامنے سے فرمائش کی گئی، لاﺅ تارے توڑ کر۔ اگلے دن یہ بجلی والوں کی تاریں توڑ کر لے گئے۔ پورے محلے کے چور اُچکے گل نوخیز کو اس دن دعائیں دیتے رہے کہ جس کی بدولت محلے میں تین دن اندھیرا رہا ۔ مَلک کہتا ہے،لگتا ہے اب ہر عاشق گل نوخیز کے نقش قدم پر ہے، جبھی لوڈشیڈنگ کا دور دَورہ ہے۔

گل نوخیز اختر کو تصویریں کھینچنے کا بڑا شوق ہے، خاص طور پر قائد اعظم کی۔ اس لیے جو دوست ان سے ملتے ہیں تو اپنی جیبیں خالی کرکے ملتے ہیں کہیں یہ وہ نوٹ نہ کھینچ لیں جن پر قائد کی تصویر پرنٹ ہوئی ہے۔

اس دنیا میں ایک ہی خوبصورت بچہ ہے جو ہر ماں کے پاس ہے یہی وجہ ہے کہ گل نوخیز اختر بھی اپنی ماں کے خوبصورت بچے ہیں اور خود کو کسی پھول سے کم نہیں سمجھتے۔ رنگوں میں اُڑا ہوا رنگ پسند ہے اسی وجہ سے ان کا رنگ اُڑا ہی رہتا ہے۔ کھیلوں میں شطرنج پسند ہے لیکن دیکھتے کرکٹ ہیں کھیلتے لفظوں سے ہیں۔

تحریر- شوکت علی مظفر

PakFellows Blog » Humour

بِل سے بِلبلانے تک

Similar Articles at PakFellows Blog:

اصلاح مطلوب ہے

Similar Articles at PakFellows Blog:

موٹر سائیکل گردی

Similar Articles at PakFellows Blog:

Hisaar e Muhabbat By Faiza Iftikhar

Similar Articles at PakFellows Blog:

When you know you’re going to fail an exam anyway!

Similar Articles at PakFellows Blog:

Naam Ka Masla

Similar Articles at PakFellows Blog:

ٹنڈ کروانا

Similar Articles at PakFellows Blog:

Sarrkon Ka Shehnshah

Similar Articles at PakFellows Blog:

Aisa Kabhi Naheen Hota By Umera Ahmed

Similar Articles at PakFellows Blog:

چکنی مٹی کا پتلا

Similar Articles at PakFellows Blog: