Continue reading »]]>

www.youtube.com/watch?v=aEnFvnFf4MM

---

Similar Articles at PakFellows Blog:

• Baat Umr Bhar Ki Hai By Umera Ahmed
• Geo Tou Aisay
• Tum ye kehte ho ab koi – by Faiz Ahmed Faiz
• Iblees Ki Majlis e Shura
• Iqbal – Aik Baap Ki Haisiyat Se (Part 2)

Continue reading »]]> قائد اعظم کی یادیں ہمارے لئے قیمتی سرمایہ ہیں۔ انہی یادوں کو ضیا شاہد نے اس کتاب کی شکل دی ہے،جو اس قابل ہیں کی نئی نسل کے سامنے لائیں جائیں کیوں کہ جس شخصیت سے محبت اور عقیدت ہو اس کے بارے میں ایسے واقعات ہمیشہ شوق سے سنے اور بیان کئے جاتے ہیں۔ اس میں کوئی شک نہیں ہے کہ قائد اعظم کی شخصیت کے ہر پہلو سے ہمیں بہت کچھ سیکھنے اور سمجھنے کو ملتا ہے۔

---

Similar Articles at PakFellows Blog:

• Download Quaid-e-Azam – Muhammad Ali Jinnah – Beesween Sadi Ka Sab Se Bara Insan by Sardar Muhammad Chaudhry
• Download Novel Zindagi Gulzar Hai by Umera Ahmed
• Band Kiwarron Ke Aagey By Umera Ahmed
• Zindagi 40 KM By Aleem Ul Haq Haqqi
• Shahid Afridi – One of best All-Rounders in ODI Cricket!

Continue reading »]]> یہ کتاب ‘بیسویں صدی کا سب سے بڑا انسان’ سردار محمد چوہدری کے قلم سے لکھی گئی داستان ہے، ایسا قلم جس کی نوک کو قائد اعظم کے زندہ اور روشن افکار نے تراشا ہے۔ کتاب کے ابتداِئی حصے میں قائد اعظم کی با اصول اور تیز نگاہ شخصیت اپنی پوری توانائیوں کے ساتھ نظر آتی ہے۔ یہ کتاب بیسویں صدی کی سب سے بڑے تاریخ ساز انسان کی جغرافیائی تخلیق کی کہانی ہے۔ اس میں کوئی شک نہیں ہے کہ قائد اعظم کی شخصیت کے ہر پہلو سے ہمیں بہت کچھ سیکھنے اور سمجھنے کو ملتا ہے۔

---

Similar Articles at PakFellows Blog:

• Download Quaid-e-Azam – Zindagi Ke Dilchasp Aur Sabaq Aamoz Waaqiyat by Zia Shahid
• Download Novel Dil Se Niklay Hain Jo Lafz By Farhat Ishtiyaq
• Download Zara Phir Se Kehna By Amjad Islam Amjad
• Download Shabnam Ka Akela Moti by Parveen Shakir
• Download Novel Kis Jahan Ka Zar Liya By Umera Ahmed

Continue reading »]]> تاریخ قوموں کے عروج و زوال کی داستان ہوا کرتی ہے۔ ان قوموں کا عروج زوال تاریخی عمل کا حصہ ہوتا ہے، جو قانون قدرت الٰہی کے تابع ہے۔ ارشاد باری تعالیٰ ہے

Continue reading »]]> After the first century of Mohammad P.B.U.H and his close companions, Islam started being wrapped by concepts that either were crafted or were borrowed by other religions. Unfortunately such concepts became exactly Islam in next centuries. This was the time when an attempt of conveying the real objective of Islam and removing the veils of mistaken and misinterpreted thoughts could make Muslims feel a drift from religion. Obviously it was an unmanageable situation but the world of Islam found an eye which could see real Islam hidden behind thousands veils and a tongue that knew the psychological state of his audience – Mohammad Iqbal. The centre of his thoughts was Qur’an. He never considered himself a poet but used poetry as a medium to deliver his message considering the circumstances and customs of the country. For him Qur’an was a book that emphasized “deed” rather than “idea”. Obviously, a person who understands Qur’an very well, understands the world very well and knows the real issues of the world and their solution.

Iblees ki Majlis e Shura is one of Allama Iqbal’s final works. Sort of his last opinion on the world.

Iblees is sitting with his five advisors and starts a meeting with self-praising statements and explains what he has done so far to take the world at this stage. First advisor affirms his strategies and explains the state of people around the world. Second advisor reminds them about a threat. But first advisor corrects him and refutes his fear. Third advisor reminds them about another “serious” threat. Forth advisor provides the solution to that threat. Fifth advisor explains that “serious” threat again in more detail to let Iblees understand the seriousness of the matter. Iblees who is listening to all advisors refutes all of the fears that they have but discloses his own fear and considers it a “Real” threat to his satanic system. He explains why he is afraid of that threat and then he finally tells them what to do.

I am sharing a few lines here from this awesome piece of thought!

جانتا ہوں میں یہ امت حاملِ قرآں نہیں
ہے وہی سرمایہ داری بندہء مومن کا دیں
جانتا ہوں میں کہ مشرق کی اندھیری رات میں
بے ید بیضا ہے پیرانِ حرم کی آستیں
عصر حاضر کے تقاضوں سے ہے لیکن یہ خوف
ہو نہ جائے آشکارا شرعِ پیغمبر کہیں
الحذر آئین پیغمبر سے سو بار الحذر
حافظ ناموس زن، مرد آزما، مرد آفریں
موت کا پیغام ہر نوع غلامی کے لیے
نے کوئی فغفور و خاقاں، نے فقیر رہ نشیں
کرتا ہے دولت کو ہر آلودگی سے پاک و صاف
منعموں کو مال و دولت کا بناتا ہے امیں
اس سے بڑھ کر اورکیا فکر و عمل کا انقلاب!
بادشاہوں کی نہیں اللہ کی ہے یہ زمیں
چشمِ عالم سے رہے پوشیدہ یہ آئیں تو خوب
یہ غنیمت ہے کہ خود مومن ہے محرومِ یقیں!
ہے یہی بہتر الہیات میں الجھا رہے
یہ کتاب اللہ کی تاویلات میں الجھا رہے

توڑ ڈالیں جس کی تکبریں طلسمِ شش جہات
ہو نہ روشن اس خدا اندیش کی تاریک رات!
ابنِ مریم مر گیا یا زندہء جاوید ہے؟
ہیں صفاتِ ذاتِ حق سے جدا یا عین ذات؟
آنے والے سے مسیح ناصری مقصود ہے
یا مجدد جس میں ہوں فرزند مریم کے صفات؟
ہیں کلام اللہ کے الفاظ حادث یا قدیم
امتِ مرحوم کی ہے کس عقیدے میں نجات؟
کیا مسلماں کے لیے کافی نہیں اس دور میں
یہ الہیات کے ترشے ہوئے لات و منات؟
تم اسے بیگانہ رکھو عالمِ کردار سے
تا بساطِ زندگی میں اس کے سب مہرے ہوں مات!
خیر اسی میں ہے قیامت تک رہے مومن غلام
چھوڑ کر اوروں کی خاطر یہ جہانِ بے ثبات
ہے وہی شعر و تصوف اس کے حق میں خوب تر
جو چھپا دے اس کی آنکھوں سے تماشائے حیات!
ہر نفس ڈرتا ہوں اس امت کی بیداری سے میں
ہے حقیقت جس کے دیں کی احتسابِ کائنات!
مست رکھو ذکر و فکرِ صبحگاہی میں اسے
پختہ تر کر دو مزاجِ خانقاہی میں اسے

---

Similar Articles at PakFellows Blog:

• It’s time to relax
• My only wish…
• How One in Four People Worldwide is Muslim.
• In Islam, Every Day is Earth Day
• Words do make a difference

Continue reading »]]> Knowledge is an unfathomable sea having no bounds. It is a continuous journey towards light. It cannot be confined to any finite areas of studies.

Allah Almighty (SWT) says:

اقْرَأْ بِاسْمِ رَبِّكَ الَّذِي خَلَقَ

“(O Beloved!) Read (commencing) with the name of Allah (SWT) Who has created (everything).”

Everything created in the universe is attributed to the Creator as He is the Creator of the entire universe. So, the knowledge we acquire must also pertain to everything in the universe. The earth and the sky, the moon and the sun, the stars and planets, the vastness of oceans and the meandering flow of rivers from hills to the sea down through plains, the torrents and the violent waves, the rhythm of waterfalls, blossoming of buds, the sunrise and the sunset, the freshness of vegetable world, the flora of plants, the splendour of the trees and variety of stones, the charming fragrance and pleasant colours of leaves and fruits and, so to say, the entire universe and its contents are but the creation of the One and the Only Lord. He has no partners or peers; He is Matchless and Singular.

www.youtube.com/watch?v=ULj4j8DpvJ0

---

Similar Articles at PakFellows Blog:

• Enjoy Every Breath of Independence
• Pre Ramadan Reflections
• Life is like a train ride
• Three Distinctions Often Confused
• The ‘first true scientist’

Continue reading »]]>

جغرافیہ میں سب سے پہلے یہ بتایا جاتا ہے کہ دنیا گول ہے۔ ایک زمانے میں بے شک یہ چپٹی ہوئی تھی۔ پھر گول قرار پائی۔ گول ہونے کا فا ئدہ یہ ہےکہ لوگ مشرق کی طرف سے جاتے ہیں مغرب کی طرف جا نکلتے ہیں۔ کو ئی ان کو پکڑ نہیں سکتا۔ اسمگلروں، مجرموں اور سیاست دانوں کے لئے بڑی آسانی ہو گئی۔

ہٹلر نے زمین کو دوبارہ چپٹا کرنے کی کوشش کی تھی لیکن کامیاب نہیں ہوا۔ پرانے زمانے میں زمین گل محمد کے طرح ساکن ہوتی تھی۔ سورج اور آسمان وغیرہ اس کے گرد گھوما کرتے تھے۔ شاعر کہتا ہے۔ رات دن گردش میں ہیں سات آسماں۔ پھر گلیلیو نامی ایک شخص آیا اور اس نے زمین کو سورج کے گرد گھمانا شروع کردیا۔ پادری بہت ناراض ہوئے کہ یہ ہم کو کس چکر میں ڈال دیا ہے۔ گلیلیو کو تو انہوں نے قرار واقعی سزا دے کر آئندہ اس قسم کی حرکت کے روک دیا۔ زمین کو البتہ نہیں روک سکے۔ برابر حرکت کئے جا رہی ہے۔

شروع میں دنیا میں تھوڑے ہی ملک تھے۔ لوگ خاصی امن چین کی زندگی بسر کیا کرتے تھے۔ پندرھویں صدی میں کولمبس نے امریکہ دریافت کیا۔ اس کے بارے میں دو نظریئے ہیں۔ کچھ لوگ کہتے ہیں کہ اس کا قصور نہیں یہ ہ ندوستاں کو یعنی ہمیں دریافت کرنا چاہتا تھا، غلطی سے امریکہ کو دریافت کر بیٹھا۔ اس نظریئے کو اس بات سے تقویت ملتی ہے کہ ہم ابھی تک دریافت نہیں ہو پائے۔

دوسرا فریق کہتا ہے کہ نہیں، کولمبس نے جان بوجھ کر یہ حرکت کی یعنی امریکہ دریافت کیا۔ بہرحال اگر یہ غلطی بھی تھی تو بہت سنگین غلطی تھی۔ کولمبس تو مر گیا، اس کا خمیازہ ہم لوگ بھگت رہے ہیں۔

ابن انشاء کی تحریر ‘اردو کی آخری کتاب’ سے انتخاب

Continue reading »]]> Continued from Part 1…

مجھے کہانیوں کی کتابیں پڑھنے کا بھی شوق تھا۔ باغ و بہار (قصہ چہار درویش) حاتم طائی، طلسم ہو شربا اور عبد الحلیم شرر کے سب ناول پڑھ ڈالے تھے۔ ساتویں جماعت کے امتحان کے قریب میرے ہاتھ الف لیلہ لگ گئی اور یہ کتاب مجھے اتنی اچھی لگی کہ رات گئے تک پڑھتا رہتا۔ نتیجہ یہ ہوا کہ ساتویں جماعت کے امتحان میں ناکام ہوگیا۔ جب ابا جان کو علم ہوا کہ میں الف لیلہ میں منہمک ہونے کی وجہ سے امتحان میں ناکامیاب رہا ہوں تو برہم نہ ہوئے۔ کہنے لگے ”اگر تم امتحان میں کامیاب ہوجانے کے بعد الف لیلہ پڑھتے تو تمہیں اور بھی لطف آتا۔“

ابا جان کی وفات سے کوئی دو ایک ماہ پہلے پنڈت نہرو کو ان سے ملنے کے لئے آنا تھا۔ ابا جان نے مجھے بُلا کر حکم دیا کہ پنڈت نہرو کے استقبال کے لئے ڈیوڈھی میں کھڑا رہوں۔ میں نے تعجب سے پوچھا کہ پنڈت نہرو کون ہیں؟ کہنے لگے ”جس طرح محمد علی جناح مسلمانوں کے قائد ہیں، اسی طرح پنڈت نہرو ہندﺅوں کے لیڈر ہیں۔“ میں باہر کھڑا پنڈت جی کا انتظار کررہا۔ جب وہ تشریب لائے تو میں نے انہوں السلام علیکم کہا اور انہوں نے اپنے دونوں ہاتھ جوڑ کر سلام کا جواب دیا، میرے سر پر ہاتھ پھیرا اور پھر نہایت شفقت سے ابا جان کے کمرے میں داخل ہوئے۔ ابا جان ان سے بڑے تپاک سے ملے اور صوفے پر بیٹھنے کو کہا۔ لیکن پنڈت جی نے نیچے فرش پر بیٹھنے پر اصرار کیا۔ بالآخر وہ فرش پر چوکڑی مار کر بیٹھ گئے اور ابا جان بستر پر لیٹے ان سے باتیں کرنے لگے۔

آخری رات ابا جان کی چارپائی گول کمرے میں بچھی تھی۔ عقیدت مندوں کا جمگھٹا تھا۔ میں کوئی نو بجے کے قریب اس کمرے میں داخل ہوا تو پہچان نہ سکے۔ پوچھا ”کون ہے؟“ میں نے جواب دیا ”میں جاوید ہوں۔“ ہنس پڑے۔ بولے ”جاوید بن کر دکھاﺅ تو جانیں۔“ پھر اپنے قریب بیٹھے ہوئے چودھری محمد حسین سے مخاطب ہوئے ”چودھری صاحب، اسے جاوید نامہ کے آخر میںوہ دعا ’خطاب بہ جاوید‘ ضرور پڑھا دیجئے گا۔“

اُس رات ہمارے ہاں بہت سے ڈاکٹر آئے ہوئے تھے۔ ہر کوئی گھبرایا ہوا دکھائی دیتا تھا، کیونکہ ڈاکٹروں نے کہہ دیا تھا کہ آج کی رات مشکل سے کٹے گی۔ کوٹھے کے صحن میں کئی جگہوں پر دو دو، تین تین کی ٹولیوں میں لوگ کھڑے باتیں کر رہے تھے۔ ابا جان سے ڈاکٹروں کی یہ رائے پوشیدہ تھی مگر وہ بڑے تیز فہم تھے۔ اس کے باوجود وہ اس رات ضرورت سے زیادہ ہشاس بشاش نظر آتے تھے۔

مجھے بھی حالات سے آگاہ نہ کیا گیا۔ اس لئے میں معمول کے مطابق اپنے کمرے میں جاکر سورہا۔ مگر صبح طلوعِ آفتاب سے پیشتر مجھے علی بخش نے آکر جنجھوڑا اور چیختے ہوئے کہا ”جاﺅ دیکھو، تمہارے ابا جان کو کیا ہوگیا ہے۔“

نیند میری آنکھوں سے کافور ہوگئی اور میں گھبراکر اُٹھ بیٹھا۔ گھر کے مختلف حصوں سے سسکیوں کی آوازیں آرہی تھیں۔ میں ساتھ کے کمرے میں پہنچا تو مُنیرہ تخت پر ا کیلی بیٹھی اپنے چہرے کو دونوں ہاتھوں سے چھپائے رورہی تھی۔ مجھے ابا جان کے کمرے کی جانب بڑھتے دیکھ کر وہ میری طرف لپکی اور میرے بازو سے چمٹ گئی۔ اس کے قدم لڑکھڑارہے تھے۔ لیکن اس کے باجود وہ میرے ساتھ چل رہی تھی۔ ہم دونوں اُن کے کمرے کے دروازے تک پہنچ کر رُک گئے۔ میں نے دہلیز پر کھڑے کھڑے اندر جھانکا۔ ان کے کمرے میں کوئی بھی نہ تھا۔ کھڑکیاں کھلی تھیں اور وہ چارپائی پر سیدھے لیٹے تھے۔ انہیں گردن تک سفید چادر نے ڈھانپ رکھا تھا جو کبھی کبھار ہوا کے جھونکوں سے ہل جاتی۔ ان کی آنکھیں بند تھیں۔ چہرہ قبلے کی طرف تھا، مونچھوں کے بال سفید ہوچکے تھے اور سر کے بالوں پر میرے کہنے سے آخری بار لگائے ہوئے خضاب کی ہلکی سی سیاہی موجود تھی۔

منیرہ کی ٹانگیں دہشت سے کانپ رہی تھیں۔ اس نے میرے بازو کو زور سے پکڑرکھا تھا اور مجھے اس کی سسکیوں کی آواز سنائی دے رہی تھی، مگر میں کوشش کے باوجود نہ رو سکا۔ مجھے خوف تھا کہ اگر میں رویا تو وہ ابھی اُٹھ کھڑے ہوں گے، انگلی کے اشارے سے ہمیں قریب آنے کو کہیں گے اور جب ہم ان کے قریب پہنچ جائیں گے تو اپنے ایک پہلو میں مجھے اور دوسرے میں منیرہ کو بٹھالیں گے۔ پھر اپنے دونوں ہاتھ پیار سے ہمارے کندھوں پر رکھ کر قدرے سختی سے مجھ سے کہیں گے ”تمہیں یوں نہ رونا چاہئے۔ یاد رکھو! تم مرد ہو اور مرد کبھی نہیں رویا کرتے۔“
۔

Continue reading »]]> اقبال، ایک باپ کی حیثیت سے

جسٹس ڈاکٹر جاوید اقبال

میں نے سنا ہے کہ میری پیدائش سے چند سال قبل ابا جان حضرت شیخ احمد سرہندی مجددِ الف ثانی کی بارگاہ میں حاضر ہوئے اور دعا کی کہ اللہ تعالیٰ انھیں ایک بیٹا عطا کرے۔ آپ نے حضرت مجدد سے یہ عہد بھی کیا کہ اگر خداوندتعالیٰ نے آپ کو بیٹا دیا تو اُسے ساتھ لے کر مزار پر حاضر ہوں گے۔

آپ کی دعا پوری ہوئی اور کچھ عرصے بعد جب میں نے ہوش سنبھالا تو آپ مجھے اپنے ہمراہ لے کر دوبارہ سرہند شریف پہنچے۔ اس سفر کی دھندلی سی یادیں میرے ذہن میں محفوظ ہیں۔ میں اُن کی انگلی پکڑے مزار میں داخل ہوا۔ گنبد کے تاریک مگر پروقار ماحول نے مجھ پر ہیبت سی طاری کر رکھی تھی۔ پھٹی پھٹی آنکھوں سے میں اپنے چاروں طرف گھور رہا تھا۔ جیسے میں اس مقام کی خاموش ویرانی سے کچھ کچھ شناسا ہوں۔ ابا جان نے مجھے اپنے قریب بٹھالیا۔ پھر قرآن مجید کا ایک پارہ منگوایا اور دیر تک پڑھتے رہے۔ اس وقت صرف ہم دو ہی مزار کے قریب بیٹھے تھے۔ گنبد کی خاموش اور تاریک فضا میں ان کی آواز کی گونج ایک ہول ناک اِرتعاش پیدا کر رہی تھی۔ میں نے دیکھا کہ ان کی آنکھوں سے آنسو اُمڈ کر رخساروں پر ڈھلک آئے تھے۔ ایک روز وہاں ٹھہرنے کے بعد ہم گھر واپس آگئے۔ لیکن مجھ پر اس راز کا اِنکشاف نہ ہوا کہ آخر اس مزار پر جانے کا مقصد کیا تھا اور وہ آنسو کس لیے تھے۔ مجھے یاد ہے میں بچپن میں اکثر یہی سوچا کرتا تھا۔

اپنی زندگی میں ابا جان نے مجھے شاید ہی کوئی ایسا موقع دیا ہوگا جس سے میں ان کی شفقت یا اس اُلفت کا اندازہ لگاسکتا جو انہیں میری ذات سے تھی۔ والدین بچوں کو اکثر پیار سے بھینچا کرتے ہیں، انھیں گلے سے لگاتے ہیں، انھیں چومتے ہیں مگر مجھے ان کے چہرے سے کبھی اس قسم کی شفقت کا احساس نہ ہوا۔ لیکن اس سے یہ نتیجہ اخذ کرنا کہ انھیں مجھ سے محبت نہ تھی، سراسر غلط ہے۔ ان کی محبت کے اظہار میں ایک اپنی طرز کی خاموشی تھی جس تک پہنچنے کی اہلیت میرا ناپختہ ذہن نہ رکھتا تھا۔ بہرحال، جہاں تک میری ذات کا تعلق ہے، میں ان سے محبت کم کرتا اور خوف زیادہ کھاتا تھا۔

بعض اوقات والدین میں اپنے بچوں کی تربیت کے سلسلے میں تنازعہ بھی ہوجایا کرتا ہے۔ اسی طرح اباجان اور اماں جان میں میری وجہ سے کئی بار تکرار ہوجاتی۔ مثلاًاماں جان کو میرے متعلق ہر گھڑی یہی فکر دامن گیر رہتی کہ جب کبھی میں اکیلا کھانا کھاﺅں، پیٹ بھر کر نہیں کھاتا۔ اس لئے وہ ہمیشہ مجھے اپنے ہاتھ سے کھانا کھلایا کرتیں۔ یہاں تک کہ میں آٹھ نو برس کا ہوگیا پھر بھی مجھے اپنے ہاتھ سے کھانا کھانے کی عادت نہ پڑی، ابا جان اس بات پر بارہا ناراض ہوئے کہ تم اسے بگاڑرہی ہو۔ اگر یہ جوان ہوکر خود کھانا نہ کھاسکا تو کیا ہوگا؟ ہم لوگ رات کو اکثر خشکہ کھایا کرتے تھے لہٰذا اب یوں ہوتا کہ بطور احتیاط چمچہ میری پلیٹ کے قریب رکھ دیا جاتا مگر کھانا اماں جان ہی کھلاتیں۔ ابا جان کی عادت تھی کہ وہ ہمیشہ دبے پاﺅں زنانے میں آیا کرتے۔ اس طرح کہ کسی کو کانوں کان خبر نہ ہونے پاتی۔ بہرحال، جب بھی اماں جان مجھے کھلارہی ہوتیں، ان کا دھیان باہر رہتا اور جونہی وہ ابا جان کے قدموں کی ہلکی سی آہٹ سنتیں اپنا ہاتھ پھرتی سے علیحدہ کرکے چمچہ میرے آگے رکھ دیتیں اور میں خود کھانا کھانے میں مشغول ہوجاتا۔ مجھے یقین ہے کہ ابا جان کئی مرتبہ اس کا سراغ لگاچکے تھے۔ لیکن وہ اپنی مخصوص مسکراہٹ کے بعد چلے جایا کرتے تھے۔

بہرحال ابا جان سے میں نے بہت کم مار کھائی ہے۔ میرے لئے ان کی جھڑکی ہی کافی ہوا کرتی۔ وہ جب کبھی بہت برہم ہوتے تو ان کے منھ سے ہمیشہ یہی الفاظ نکلتے ”احمق آدمی!بیوقوف!“ مجھے یہاں ابا جان سے مار کھانے کا ایک واقعہ یاد آگیا ہے۔ بچپن میں مجھے روز ایک آنہ خرچ کرنے کو ملا کرتا اور اسے خرچ کرچکنے کے بعد خواہ میں اماں جان کی کتنی ہی منتیں کرتا، مجھے مزید کچھ نہ ملتا۔ ایک دفعہ اتفاق یوں ہوا کہ کوئی مٹھائی بیچنے والا ہمارے گھر کے سامنے سے گزرا۔ مٹھائی دیکھ کر میں للچاگیا اور اماں جان کے پاس دوڑا آیا کہ شاید کچھ مل جائے مگر انہوں نے ٹکا سا جواب دے دیا۔ طبیعت ضدی تھی۔ خیال آیا کہ اس خوانچہ فروش سے پوچھوں کہ پیتل لے کر مٹھائی دے سکتا ہے یا نہیں۔ بد قسمتی سے اس نے ہاں کردی۔ بس پھر کیا تھا۔ ابا جان کے کمرے میں جا گھسا اور بڑے ٹیبل فین کے پیچھے لگے پیتل کے پرزے کو اتار کر خوانچہ فروش کو دے آیا، اور مٹھائی لے لی۔ لیکن شامتِ اعمال سے ہمارا شوفر ادھر سے گزررہا تھا۔ اس نے ابا جان سے شکایت کردی۔ میں خوشی خوشی اچھلتا کودتا گھر میں داخل ہوا تو مجھے اطلاع ملی کہ ابا جان بلارہے ہیں۔ ڈرتے ڈرتے ان کے کمرے میں گیا۔ وہ آرام کرسی پر نیم دراز تھے۔ مجھے دیکھتے ہی اٹھ کھڑے ہوئے اور تین چار تھپڑ میری گردن پر جمادیئے۔ ابا جان مجھے جب کبھی مارتے گدی پر مارتے۔ وہ زور سے تو نہ مارتے مگر گدی جسم کا ایسا حصہ ہے جہاں چوٹ زیادہ لگتی ہے۔ اس کے علاہ اگر مجھے ان سے کبھی مار کھانے کا اتفاق ہوا تو اس کی وجہ نوکروں کو برا بھلا کہنا یا جھوٹ بولنا تھی۔

بعض اوقات ایسا بھی ہوا کہ ابا جان نے میری کسی شرارت پر مجھے مارنے کے لئے ہاتھ اُٹھایا تو اماں جان درمیان میں آکھڑی ہوئیں اور انہیں روک دیا۔ ےا اگر اماں جان نے مجھے زیادہ پیٹا تو ابا جان خفا ہوئے کہ بچے کو اس بے دردی سے نہیں مارنا چاہیے۔ ایک دفعہ میں آنکھوں پر پٹی باندھے اماں جان کے پیچھے پیچھے بھاگ رہا تھا کہ ٹھوکر لگی اور منہ کے بل گر پڑا جس کی وجہ سے ہونٹ کٹ گیا اور منھ سے خون جاری ہوگیا۔ اتفاق سے اسی وقت ابا جان زنانے میں داخل ہوئے اور میرے منھ سے خون بہتا دیکھ کر بے ہوش ہوگئے۔

ہم گھر میں شور نہ مچاسکتے تھے۔ اگر میں اپنے ہم عمر بچوں کے ساتھ باہر لان میں کرکٹ کھیل رہا ہوتا تو ہمیں حکم ملتا کہ یہاں مت کھیلو اور ہم منھ لٹکائے وہاں سے چل دیتے۔ لیکن بعض اوقات وہ ہمارے کھیل میں خود بھی شریک ہوجایا کرتے۔ ہمارے ہاتھ ان کی طرف گیند پھینکتے پھینکتے تھک جاتے، مگر وہ بلا تھامے ٹھپ ٹھپ کرتے رہتے۔ ایک دفعہ وہ اندر بیٹھے تھے۔ ہم نے ہٹ جو لگائی تو گیند دروازے کے شیشے کو توڑتی ہوئی ان کے کمرے میں جاگری۔ اس دن سے ہمیں کرکٹ کھیلنے کی ممانعت کردی گئی۔ کئی بار جب میں کوٹھے پر پتنگ اُڑا رہا ہوتا تو وہ دبے پاﺅں اُوپر آجاتے اور میرے ہاتھ سے پتنگ لے کر خود اُڑانے لگتے۔ مگر مجھے یاد ہے کہ انھوں نے جب کبھی کسی پتنگ سے پیچ لڑایا تو ہمیشہ ہماری پتنگ ہی کٹی۔

مجھے خواب کی طرح یاد ہے کہ ہمارے یہاں ایک مرتبہ ایک مہمان آکر ٹھہرے تھے۔ میں نے اپنی زندگی میں پہلی بار انھیں ابا جان کو اقبال کہہ کر پکارتے سنا۔ وہ میانہ قد باریش یعنی داڈھی والے بزرگ نہایت خوش پوش اور خوش خور تھے۔ بمبئی سے آئے تھے اور مجھے چاکلیٹ کا ڈبا تحفہ کے طور پر دیا تھا۔ ان کے قہقہے سارے گھر میں گونجتے رہتے اور ان کے لئے اماں جان روز طرح طرح کے کھانے پکاتیں۔ ان کا نام مولانا محمد علی تھا۔ یہ وہی محمد علی تھے جن کے متعلق اس زمانے میں مجھے یہ شعر حفظ ہوگیا تھا۔۔۔

؂بولیں اماں محمد علی کی
جان بیٹا خلافت پہ دے دو

دو ایک مرتبہ میں اماں جان اور ابا جان کے ساتھ سیالکوٹ بھی گیا۔ تب دادا جان زندہ تھے گو بہت ضعیف ہوچکے تھے اور اپنے کمرے میں چارپائی پر بیٹھے رہتے تھے۔ میں ان کے پاس جاتا تو آنکھوں پر اپنے ہاتھ کا سایہ کرکے مجھے دیکھتے اور پوچھتے کہ کون ہے؟ جب میں بتاتا کہ میں جاوید ہوں تو ہنس پڑتے، طاق میں سے ٹین کا ڈبا اٹھاتے اور اس میں سے برفی نکال کر مجھے کھانے کو دیتے۔ سیالکوٹ کے مکان میں یا محلہ چوڑی گراں کی گلیوں میں جہاں میں بھاگتا پھرتا تھا، وہیں ابا جان کا بچپن بھی گزرا تھا۔

میرے بچپن میں رمضان کا مہینا سردیوں میں آیا کرتا اور عید بھی سردیوں میں آتی تھی۔ رمضان کے دنوں میں اماں جان باقاعدہ روزے رکھتیں اور قرآن مجیدکی تلاوت کیا کرتیں۔ گھر کے ملازم بھی روزے رکھتے۔ مجھے سحری کھانے کا بہت شوق تھا۔ اور ایک آدھ بار ابا جان کے ساتھ سحری کھانا بھی یاد ہے۔ وہ روزہ کبھی کبھار رکھتے تھے اور جب رکھتے تو ہر آدھ گھنٹے بعد علی بخش کو بُلا کر پوچھتے کہ افطاری میں کتنا وقت باقی ہے۔

جب عید کا چاند دکھائی دیتا تو گھر میں بڑی چہل پہل ہو جاتی۔ میں عموماً ابا جان کو عید کا چاند دکھایا کرتا تھا۔ مجھے نہانے سے سخت نفرت تھی لیکن اس شب گرم پانی سے اماں جان مجھے نہلاتیں اور میں بڑے شوق سے نہاتا۔ نئے کپڑے یا جوتوں کا نیا جوڑا سرہانے رکھ کر سوتا۔ صبح اُٹھ کر نئے کپڑے پہنے جاتے۔ عیدی ملتی۔ کم خواب کی ایک اچکن جس کے بٹن چاندی کے تھے، مجھے ہر عید کو اماں جان پہنایا کرتیں۔ سر پر تلے کی گول ٹوپی پہنتا اور کلائی پر باندھنے کے لئے سونے کی گھڑی بھی دی جاتی جو افغانستان کے بادشاہ نادر شاہ نے میرے لئے تحفے کے طور پر بھیجی تھی۔ پھر سج دھج کر ابا جان کے ساتھ عید کی نماز پڑھنے کے لئے جاتا۔ ان کی انگلی پکڑے شاہی مسجد میں داخل ہوتا اور ان کے ساتھ عید کی نماز ادا کرتا۔ نماز سے فارغ ہو کر ہم گھر آتے۔ ابا جان کی عادت تھی کہ وہ عید کے راز سویّوں پر دہی ڈال کر کھایا کرتے تھے۔ سارا دن ملنے والوں کا تانتا بندھا رہتا اور دن کھاتے پیتے ہنستے کھیلتے گزر جاتا۔ رات ہوتی تو اماں جان سونے کی گھڑی اور اچکن اُتروالیتیں اور پھر اگلی عید تک مجھے ان کا انتظار کرنا پڑتا۔

کبھی بیمار ہوتا تو اماں جان اور ابا جان پریشان ہو جاتے۔ میرے سرہانے روپوں کے نوٹ رکھے جاتے اور کھیلنے کے لئے اماں جان مجھے نواشرفیاں دیتیں جو میری پیدائش کے وقت ابا جان کے دووستوں نے بطور تحفہ دی تھیں۔ اماں جان کا خیال تھا کہ بچہ بیمار ہو اور اسے کھیلنے کے لئے روپے یا اشرفیاں دی جائیں تو وہ جلد صحت یاب ہوجاتا ہے۔ ابا جان مجھ سے بار بار پوچھتے کہ کہیں درد تو نہیں ہورہا۔ اور اگر میں انکار میں سر ہلاتا تو کہتے ”منھ سے بولو، بیٹا سر مت ہلاﺅ۔“ میرا بچپن زیادہ تر تنہائی میں گزرا۔ ؁۱۹۳۰ میں منیرہ پیدا ہوئی لیکن وہ مجھ سے چھ سال چھوٹی تھی، اس لئے ہم اکٹھے نہیں کھیل سکتے تھے۔

مجھے وہ دن بھی خوب یاد ہے جب میں پہلی بار اسکول گیا۔ میری عمر کوئی پانچ ساڑھے پانچ سال کی ہوگی۔ اماں جان بڑی فکر مند تھیں کہ میں سارا دن گھر سے باہر کیسے رہ سکوں گا۔ ابا جان انہیں دلاسا دیتے رہے۔ لیکن ساتھ خود بھی علی بخش سے پوچھتے کہ جاوید کو لینے کوئی نہیں گیا۔ چھٹی ہونے پر جب میں گھر آیا تو اماں جان برآمدے میں کھڑی میری راہ دیکھ رہی تھیں۔ ابا جان بھی اپنے کمرے سے اُٹھ کر آگئے اور مجھے سے پوچھنے لگے کہ کہیں اُداس تو نہیں ہوگئے تھے۔

مجھے موسیقی سے بھی خاصا لگاﺅ تھا، لیکن ہمارے گھر میں نہ تو ریڈیو تھا اور نہ گراموفون بجانے کی اجازت تھی کیونکہ ابا جان ایسی چیزوں کو پسند نہ کرتے تھے۔ البتہ گانا سننے کا انہیں شوق ضرور تھا اور اچھا گانے والوں کو کبھی گھر بُلواکر ان سے اپنا یا اوروں کا کلام سنتے تو مجھے بھی پاس بٹھالیا کرتے۔ فقیر نجم الدین مرحوم ابا جان کو اکثر ستار بجاکر سنایا کرتے تھے۔ خود ابا جان کو جوانی میں ستار بجانے کا شوق رہ چکا تھا۔ لیکن جب وہ اعلیٰ تعلیم حاصل کرنے کے لئے یورپ گئے تو اپنی ستار کسی دوست کو دے گئے۔ ؁۱۹۳۱ میں جب گول میز کانفرنس میں شمولیت کے لئے وہ انگلستان گئے تو اس وقت میری عمر سات سال کے لگ بھگ تھی۔ میں نے انھیں اُوٹ پٹانگ خط لکھا اور خواہش ظاہر کی کہ جب وہ واپس تشریف لائیں تو میرے لئے ایک گراموفون لیتے آئیں۔ گراموفون تو وہ لے کر نہ آئے لیکن میرا لکھا ہوا خط ان کی مندرجہ ذیل نظم کا باعث ضرور بنا۔

؂دیار عشق میں اپنا مقام پیدا کر
نیا زمانہ نئے صبح و شام پیدا کر

اماں جان کی آرزو تھی کہ ابا جان تمام دن گھر پر پڑے رہنے کی بجائے کہیں ملازمت کرلیں۔ یہ سن کر ابا جان عموماً مسکرا دیا کرتے اور یہ حقیقت ہے کہ بچپن میں مَیںنے بھی اس معمّے کو سلجھانے کی بارہا کوششیں کہ کہ میرے ابا جان کیا کام کرتے ہیں۔ اگر کوئی اجنبی مجھ سے یہ سوال پوچھ بیٹھتا تو میں خاموش ہوجاتا کیوں کہ میں خود نہ جانتا تھا۔ اسی طرح اماں جان اس بات پر اصرار کرتیں کہ کرائے کا گھر چھوڑ کر اپنا گھر بنوائیے۔ ان دنوں ہم میکلوڈ روڈ پر رہا کرتے تھے۔

چند سال بعد اماں جان کے گھر کی اخراجات سے بچائے ہوئے روپوں سے زمین خریدی گئی اور جاوید منزل کی تعمیر شروع ہوئی۔ زمین اور مکان اماں جان کے نام تھے اور انہی کی ملکیت تھے۔ بہرحال جب تعمیر مکمل ہوگئی تو ہم میکلوڈروڈ کے مکان سے اُٹھ آئے۔ ان دنوں اماں جان سخت علیل تھیں۔ انہیں چارپائی پر ڈال کر اندر لایا گیا۔ دوسرے دن ابا جان انہیں دیکھنے کے لئے زنانے میں آئے تو ان کے ہاتھ میں کچھ کاغذات تھے۔ انہوں نے اماں جان سے کہا کہ اس مکان کو جاوید کے نام کردو۔ لیکن اماں جان نہ مانتی تھیں۔ وہ کہتی تھیں کہ مجھے کیا معلوم ےہ لڑکا بڑا ہو کر کیسا نکلے۔ میں انشاءاللہ جلد صحت یاب ہوجاﺅںگی۔ آپ کسی قسم کا فکر نہ کریں۔ لیکن ابا جان نے انہیں آگاہ کیا کہ زندگی اور موت تو خدا کے ہاتھ میں ہے۔ اس پر انہوں نے ہبہ نامہ پر دستخط کردئیے۔ یوں ”جاوید منزل“ میرے نام منتقل ہوگئی۔ ابا جان نے ایک کرایہ نامہ بھی تحریر کیا جس کی رو سے آپ میرے کرایہ دار کی حیثیت سے رہنے لگے۔ آپ سامنے کے تین کمروں میں رہائش کا کرایہ ہر ماہ کی ۲۱ تاریخ کو ادا کرتے تھے۔

نئے گھر میں قدم رکھنے کے تیسرے یا چوتھے روز اماں جان پر غشی کا عالم طاری ہوگیا۔ کوئی پانچ بجے شام کے قریب جب مجھے ان کے پاس لے جایا گیا تو وہ بستر پر بیہوش پڑی تھیں۔ میں نے ان کے حلق میں شہد ٹپکایا اور روتے ہوئے کہا کہ اماں جان میری طرف دیکھئے۔ انہوں نے آنکھیں کھول دیں۔ لحظہ بھر کے لئے میری طرف دیکھا اور پھر آنکھیں بند کرلیں۔ اسی شام غشی کے عالم میں اللہ کو پیاری ہوگئیں اور رات کو دفن کردی گئیں۔ ان کی وفات کے وقت میری عمر دس برس تھی اور منیرہ کی چار برس۔

اماں جان کے انتقال کے بعد ہم دونوں بچے ابا جان کے زیادہ قریب آگئے۔ مجھے اچھی طرح یاد ہے کہ جس وقت اماں جان فوت ہوئیں، ہم دونوں بہن بھائی ایک دوسرے کا ہاتھ پکڑے روتے ہوئی ابا جان کے کمرے کی طرف گئے۔ وہ حسب معمول اپنی چارپائی پر نیم دراز تھے، کیونکہ ان دنوں خود بھی بیمار رہتے تھے۔ گلا بیٹھ گیا تھا اور صاف بول نہ سکتے تھے۔ میں اور منیرہ ان کے دروازے تک پہنچ کر ٹھٹک سے گئے۔ ہمیں کھڑا دیکھ کر انہوں نے انگلی کے اشارے سے ہمیں قریب آنے کو کہا اور جب ہم ان کے قریب پہنچے تو ایک پہلو میں مجھے اور دوسرے میں منیرہ کو بٹھا لیا۔ پھر اپنے دونوں ہاتھ پیار سے ہمارے کندھوں پر رکھ کر قدرے سختی سے مجھ سے کہا ”تمہیں یوں نہ رونا چاہئے۔ یاد رکھو! تم مرد ہو اور مرد کبھی نہیں رویا کرتے۔“ اس کے بعد زندگی میں پہلی مرتبہ انہوں نے ہم دونوں بہن بھائیوں کی پیشانیوں کو باری باری چُوما۔

اماں جان کی بے وقت موت نے ابا جان کو پژمردہ سا کردیا تھا۔ لیکن اب وہ ہم دونوں بچوں کا بے حد خیال رکھنے لگے تھے۔ ہمیں حکم تھا کہ ان سے مل کر اسکول جایا کریں۔ جانے سے پہلے اور آنے کے بعد وہ ہم دونوں کی پیشانی پر بوسہ دیا کرتے۔ مُنیرہ کو مجھ سے زیادہ ان کا قرب حاصل تھا اور وہ رات کو عموماً انھی کے بستر میں سویا کرتی تھی۔ اس کی ہر خواہش پوری کردی جاتی اور اگر میں کبھی اسے جھڑکتا یا مار بیٹھتا تو میری شامت آجاتی۔ ابا جان کو ہم دونوں بہن بھائیوں کے جھگڑنے پر بہت رنج ہوتا تھا۔ وہ اپنے دوستوںسے اکثر کہا کرتے تھے کہ یہ دونوں آپس میں لڑتے رہتے ہیں اور مجھ سے دیکھا نہیں جاتا۔ اور دوستوں کے یہ کہنے کے باوجود کہ جس گھر میں بچے ہوں وہاں لڑائی جھگڑا ہوا ہی کرتا ہے، ان کی تسلّی نہ ہوتی۔ مجھ سے بار ہا کہا کرتے کہ تمہار ا دل پتھر کا ہے۔ تم بڑے سنگ دل ہو۔اتنا نہیں جانتے کہ بہن کے سوا تمہارا اس دنیا میں کوئی نہیں ہے۔

مجھے مصوری سے بھی دلچپی تھی۔ لیکن ابا جان کو میرے اس شوق کا علم نہ تھا۔ ایک مرتبہ میں نے ایک تصویر بنائی جو اتفاق سے خاصی اچھی بن گئی۔ ان دنوں تایا جان سالکوٹ سے لاہور آئے ہوئے تھے اور ہمارے ہاں مقیم تھے۔ وہ انجنیر تھے۔ انہوں نے میری بنائی ہوئی تصویر دیکھی تو بے حد خوش ہوئے۔ فوراً تصویر ہاتھ میں لے کر ابا جان کو دکھانے چلے گئے۔ میں بھی ان کے پیچھے پیچھے آگیا۔ ابا جان کو پہلے تو یقین نہ آیا کہ تصویر میں نے بنائی ہے لیکن جب یقین آگیا تو میری حوصلہ افزائی کرنے لگے۔ کچھ عرصے بعد انہوں نے فرانس، اٹلی اور انگلستان سے میرے لئے خاص طور پر آرٹ کی کتاب منگوائیں۔ انہیں خیال تھا کہ دنیا کے بہترین مصوروں کو دیکھ کر میرا مصوری کا شوق بڑھے گا۔ لیکن نتیجہ اس کے برعکس نکلا۔ جب میری نظر سے مصوری کے شاہکار گزرے تو میں نے اس خیال سے ہمت ہار دی کہ اگر میں ساری عمر بھی کوشش کروں تو ایسی خوبصورت تصاویر نہیں بناسکتا۔

ابا جان کی تمنا تھی کہ میں تقریر کرنا سیکھوں۔ اس کے علاوہ وہ یہ بھی چاہتے تھے کہ میں کشتی لڑا کروں۔ اس سلسلے میں میری لئے گھر میں ایک اکھاڑا بھی کھدوایا گیا۔ وہ اکثر کہا کرتے تھے کہ اکھاڑے کی مٹی میں ڈنڈ پیلنا یا لنگوٹی باندھ کر لیٹ رہنا صحت کے لئے نہایت مفید ہے۔ پھر بڑی عید کے روز ہمیشہ مجھے تلقین کرتے کہ بکراذبح ہوتے وقت میں وہاں موجود رہوں۔ لیکن ان کا اپنا یہ حال تھا کہ کسی قسم کا خون بہتے نہ دیکھ سکتے تھے۔ ان میں قوتِ برداشت بہت تھی مگر جب ایک مرتبہ کسی سے ناراض ہوجاتے تو پھر ساری عمر اس کا منہ دیکھنے کے روا دار نہ ہوتے۔ انہیں کبوتر بازی کا شوق بھی تھا۔ آخری عمر میں ان کی خواہش تھی کہ گھر کی چھت پر ایک وسیع پنجرا بنوایا جائے جس میں لاتعداد کبوتر چھوڑدئیے جائیں اور ان کی چارپائی ہر وقت کبوتروں کے درمیان رہا کرے۔ انہیں یقین تھا کہ کبوتروں کے پروں کی ہوا صحت کے لئے فائدہ مند ہوتی ہے۔

ابا جان کے عقیدت مندوں میں ایک حجازی عفب بھی تھے جو کبھی کبھار انہیں قرآن مجید پڑھ کر سناےا کرتے۔ میں نے بھی ان سے قرآن پاک پڑھا ہے۔ ان کی آواز بڑی پیاری تھی۔ ابا جان جب بھی ان سے قرآن مجید سنتے مجھے بلابھیجتے اور اپنے پاس بٹھا لیتے۔ ایک بار انہوں نے سورة مزمل پڑھی تو ابا جان اتنا روئے کہ تکیہ آنسوﺅں سے تر ہوگیا۔ جب وہ ختم کرچکے تو آپ نے سر اٹھا کر میری طرف دیکھا اور لرزتی ہوئی آواز میں بولے ”تمہیں یوں قرآن پڑھنا چاہئے۔“ اسی طرح مجھے ایک مرتبہ مسدس حالی پڑھنے کو کہا اور جب یہ بند قریب بیٹھے ہوئے میاں محمد وشفیع نے دہرایا ”وہ نبیوں میں رحمت لقب پانے والا“ تو آپ سنتے ہی آبدیدہ ہوگئے۔ میں نے اماں جان کی موت پر انہوں آنسو بہاتے نہ دیکھا تھا۔ مگر قرآن مجید سنتے وقت یا اپنا کوئی شعر پڑھتے وقت یا رسول اللہ ﷺ کا اسمِ مبارک کسی کی زمبان پر آتے ہی ان کی آنکھیں بھر آیا کرتیں۔

ابا جان کو انگریزی لباس سے سخت نفرت تھی۔ مجھے ہمیشہ سلوار اور اچکن پہننے کی تلقین کیا کرتے۔ مُنیرہ اپنے بالوں کو دو حصوں میں گوندھتی تو نا پسند کرتے اور کہتے ”اپنے بال اس طرح مت گوندھا کرو۔ یہ یہودیوں کا انداز ہے۔“ اور میں کبھی غلطی سے اپنی قمیصوں یا شلواروں کا کپڑا بڑھیا قسم کا خریدلاتا تو بہت خفا ہوتے اور کہتے ”تم اپنے آپ کو کسی رئیس کا بیٹا سمجھتے ہو؟ تمہاری طبیعت میں اِمارت کی بُو ہے اور اگر تم نے اپنے یہ انداز نہ چھوڑے تو میں تمہیں کھدر کے کپڑے پہناﺅں گا۔“ میرے لئے بارہ آنے گز سے زائد کا قمیص کا کپڑا خریدنا یا آٹھ روپے سے زائد کا بوٹ خرید نا جرم تھا جس کی سزا کافی کڑی تھی، اگر انہیں کبھی یہ معلوم ہوجاتا کہ میں آج پلنگ پر سونے کی بجائے زمین پر سویا ہوں تو بڑے خوش ہوا کرتے۔

Continue reading in Part 2.

]]> http://blog.pakfellows.com/index.php/2009/11/09/iqbal-aik-baap-ki-haisiyat-se-part-1-2/feed/ 1